Lingua abua
| Abua | ||
|---|---|---|
| Falado en: | Nixeria | |
| Rexións: | Rivers | |
| Total de falantes: | 25.000 (1989) | |
| Familia: | Níxer-congo Atlántico-congo Benue-congo Cross River Delta central Abua–odual Abua | |
| Códigos de lingua | ||
| ISO 639-1: | --
| |
| ISO 639-2: | --- | |
| ISO 639-3: | abn
| |
| Mapa | ||
| Status | ||
O abua é unha lingua do grupo atlántico das linguas níxer-congo falada en Nixeria.
Distribución xeográfica
[editar | editar a fonte]Fálase nas áreas locais de Degema e Ahoada, en Rivers State, hai unha pequena pero moi próspera comunidade inmigrada en Estados Unidos.
Dialectos
[editar | editar a fonte]O abua distingue catro dialectos: Ogbo, Emughan, Otabha e Okpeden
Escrita
[editar | editar a fonte]A produción escrita en abua é escasa, a maior parte son traducións de obras de tipo relixioso e materiais publicados por lingüistas. Os primeiros materiais son de 1971, Aselemi adibel adinya itugha onu Abuan e Opuru adiri ogbia obra de Ian Gardner e Idumesaro respectivamente. Gardner, un pastor protestante, tamén traduciu en 1978 o Novo Testamento co título de Oobi Oghaaph Ilo Ajizos en 1980 e publicou un dicionario abau-inglés. En 2019 apareceu a tradución de toda a Biblia, obra dun equipo dirixido por Gardner[1][2] so o título de Adinya Ligbia.
Historia
[editar | editar a fonte]Por volta do século XIII o pobo abua emigrou dende as súas aldeas, situadas no actual Camerún, xunto aos efik e aos ibibios, ao territorio que ocupa actualmente.
Notas
[editar | editar a fonte]- ↑ "Literacy group dedicates 1st Abua holy bible". The Port City News. 7 de xaneiro de 2020.
- ↑ "La Bible en abua, un exemple de courage et de persévérance" (PDF). BibleInfo (1:2018): 6–7.
