Lingua de sinais warlpiri
| Lingua de sinais warlpiri | ||
|---|---|---|
| Falado en: |  Australia | |
| Rexións: |  Territorio do Norte | |
| Total de falantes: | ||
| Familia: | Linguas pama-nyunganas Linguas ngumpin–yapa Linguas ngarrkic Lingua de sinais warlpiri | |
| Códigos de lingua | ||
| ISO 639-1: | --
| |
| ISO 639-2: | --- | |
| ISO 639-3: | -
| |
| Mapa | ||
| Status | ||
A lingua de sinais warlpiri é unha lingua de sinais empregada polo pobo warlpiri, unha comunidade aborixe da rexión do deserto central de Australia. Trátase dunha das máis elaboradas e estudadas linguas de sinais aborixes de Australia.
Contexto social
[editar | editar a fonte]Mentres outras linguas veciñas como o arrernte teñen linguas de sinais auxiliares, a lingua de sinais warlpiri é, xunto coa lingua de sinais warumungu, unha das máis complexas e elaboradas de entre as linguas de sinais aborixes de Australia. De feito, é un sistema de comunicación tan completo como a propia lingua warlpiri oral.
Pode ter a súa orixe nos tabús da linguaxe propios do pobo warlpiri, posto que existe a tradición de que as mulleres viúvas non poidan falar durante un longo período de loito que pode ser de meses ou mesmo anos. Durante este tempo só se poden comunicar mediante sinais. Nas comunidades warlpiri, as viúvas tamén adoitan vivir separadas das súas familias con outras mulleres viúvas ou mozas solteiras. Por mor disto, as mulleres habitualmente teñen un mellor manexo da lingua de sinais que os homes.
Entre as mulleres maiores da comunidade de Yuendumu, a lingua de sinais emprégase de xeito constante sen importar se están baixo prohibición de falar ou non.[1] Non obstante, tódolos membros da comunidade entenden a lingua e poden utilizala en situacións nas que a fala non é axeitada, como durante a caza, na comunicación privada, para comunicarse a longa distancia, cando se ten unha doenza ou en momentos nos que se require un especial respecto. Ademais, moitos empregan os sinais como acompañamento e apoio do discurso oral.
Notas
[editar | editar a fonte]- ↑ Dail-Jones, M. A. (1984). A Culture in Motion: A Study of the Interrelationship of Dancing, Sorrowing, Hunting and Fighting as Performed by the Warlpiri Women of Central Australia. M.A. Thesis, University of Hawaii, Honolulu.
Véxase tamén
[editar | editar a fonte]Outros artigos
[editar | editar a fonte]Bibliografía
[editar | editar a fonte]- Kendon, A. (1980):The sign language of the women of Yuendumu: A preliminary report on the structure of Warlpiri sign language. Sign Language Studies, 1980 27, 101–112.
- Kendon, A. (1984):Knowledge of sign language in an Australian Aboriginal community. Journal of Anthropological Research. 1984 40, 556–576.
- Kendon, A. (1985):Iconicity in Warlpiri Sign language. In Bouissac P., Herzfeld M. & Posner R. (eds), Inconicity: Essay on the Nature of Culture. Tübingen: Stauffenburger Verlag.
- Kendon, A. (1985):Variation in Central Australian Aboriginal Sign language: A preliminary report. Language in Central Australia, 1(4): 1–11.
- Kendon, A. (1987):Simultaneous Speaking and Signing in Warlpiri Sign language Users. Multilingua 1987, 6: 25–68.
- Kendon, A. (1988):Parallels and divergences between Warlpiri sign language and spoken Warlpiri: analyses of signed and spoken discourses. Oceania, 58, pp. 239–254.
- Meggitt, M. (1954):Sign language among the Warlpiri of Central Australia. Oceania, 25(1), pp. 2–16 (reimpreso en 1978 en Aboriginal sign languages of the Americas and Australia. Nova York: Plenum Press, vol. 2, pp. 409–423).
- Mountford, C. P. (1949):"Gesture language of the Walpari tribe, central Australia" Transactions of the Royal Society of South Australia, 73: 100–101.
- Wright, C.D. (1980):Walpiri Hand Talk: An Illustrated Dictionary of Hand Signs used by the Walpiri People of Central Australia. Darwin: N.T. Departmento de Educación.