Lino Gómez Canedo
| Biografía | |
|---|---|
| Nacemento | 24 de xuño de 1908  Coiro, España |
| Morte | 24 de decembro de 1990 (82 anos) Cidade de México |
| Actividade | |
| Campo de traballo | Historia e Igrexa católica |
| Ocupación | frade, historiador, escritor, sacerdote católico |
| Membro de | |
| Orde relixiosa | Ordes franciscanas |
  | |
Lino Gómez Canedo, nado en San Xulián de Coiro (A Laracha) o 24 de xuño de 1908 e finado en Cidade de México o 24 de decembro de 1990, foi un sacerdote católico galego.
Traxectoria
[editar | editar a fonte]Fillo de labregos, vestiu o hábito franciscano no convento de San Diego de Canedo (Ponteareas) en agosto de 1923 e máis tarde estudou filosofía no convento da Nosa Señora de Vistahermosa (Ourense) e teoloxía no convento de San Francisco do Val de Deus de Santiago de Compostela, onde profesou o 25 de xuño de 1929 e foi ordenado sacerdote en xuño de 1931.
Desde a súa época de estudante naceu nel a vocación de historiador, disciplina na que entraría baixo a orientación de frei Atanasio López Fernández. En 1933 viaxou para estudar en Roma onde se licenciou en Historia Eclesiástica en 1937, o que lle serviu para se incorporar á Academia Americana da Historia, con sede en Washington, onde traballou durante varias décadas[1].
O padre Gómez Canedo foi un incansable home de letras e de palabras conferenciantes que, ao compás dos seus quefaceres clericais, empregou toda a súa vida para furgar en cartafoles eclesiástico-historiográficos de diversas bibliotecas e institucións culturais de Galicia e dos continentes americano e asiático, deixando un legado histórico de gran valor documental.
Notas
[editar | editar a fonte]- ↑ Gran Enciclopedia Gallega tomo 16 páx.69
Véxase tamén
[editar | editar a fonte]Bibliografía
[editar | editar a fonte]- Colección Galicia y América. Publicacións da Xunta de Galicia.
