Lista Serbia

Lista Serbia
Tipo	partido político
Ideoloxía	Nacionalismo serbio, conservadorismo nacionalista, populismo de direita e Euroescepticismo
Data de fundación	2014
Fundador(es)	Aleksandar Jablanović
Sede	North Mitrovica
País	Kosovo
Na rede
	http://srpskalista.net/
	[ editar datos en Wikidata ]

Lista Serbia (en serbio: Српска листа) é un partido político da minoría serbia na República de Kosovo, dominante na política de Kosovo, e que dende a súa fundación en 2014 ostenta nove mandatos ou os dez mandatos na Asemblea de Kosovo destinada aos serbios. Está estreitamente relacionado co Goberno da República de Serbia, liderado polo populista SNS e o presidente Aleksandar Vučić^[1] ^[2].

Historia

Lista Serbia logrou un total de 38 169 votos (5,30%) nas eleccións lexislativas de xuño de 2014 e o 17 de setembro anunciou que se ía formar parte da coalición de goberno só se Vetëvendosje quedaba fóra^[3] como así foi. O 3 de febreiro de 2015 Aleksandar Jablanović cesou como ministro de Comunidades e Retornos e membro de LS, despois da oposición esixir a súa destitución ao chamar "salvaxes" a un grupo de albaneses que atacaron a pedradas aos desprazados internos serbios na véspera de Nadal en Gjakova^[4], declaracións que contribuíron ás protestas en Kosovo en xaneiro de 2015 ^[5]. A Lista Serbia decidiu non asistir á seguinte sesión da Asemblea ^[6] pero continuou no goberno. Despois das eleccións parlamentarias de 2017 a Lista Serbia aceptou formar parte do goberno dirixido por Ramuš Haradinaj da Alianza para o Futuro de Kosovo, so condición de establecer a Asociación de Municipios de Serbia ^[7] e participou tamén nos sucesivos gobernos ata decembro de 2022 logo do aumento da tensión entre serbios e albaneses en Kosovo.

Eleccións

Lexislativas

Asembela de Kosovo
Ano	Voto		% Voto	Escanos	Escanos serbios	+/–	Goberno
2014	38199	#5	5.20%	9 / 120	9 / 10	9	Coalición
2017	44 578	#4	6.20%	9 / 120	9 / 10		Coalición
2019	52 620	#5	6.61%	10 / 120	10 / 10	1	Coalición
2021	44 404	#5	5.06%	10 / 120	10 / 10		Coalición (2021–2022) Oficialmente parte do goberno, pero os seus deputados non votaron a favor da súa elección^[8]
							Sen representación (2022) Os deputados do LS dimitiron ao inicio da coñecida como Crise de Kosovo do Norte^[9]
							Oposición (2022–) Dez días despois de cesaren os deputados de LS volveron ao parlamento, xa como oposición^[10]

Municipais

Despois das eleccións municipais de 2020, Lista Serbia goberna 10 concellos, polo xeral con amplas maiorías.

Concellos	Poboación	Alcalde antes de 2020	Partido	Alcalde dende 2020	Partido	Concelleiros
Gračanica	10 675	Srđan Popović	LS	Ljiljana Šubarić	LS	18 / 19
Klokot	2 556	Božidar Dejanović	Gi Klokot-Vrbovac	Vladan Bogdanović	LS	5 / 15
Leposavić	13 773	Zoran Todić	LS	Zoran Todić	LS	19 / 19
Mitrovica Norte	12 326	Milan Radojević	LS	Milan Radojević	LS	17 / 19
Novo Brdo	6 729	Svetislav Ivanović	LS	Saša Milošević	LS	10 / 15
Parteš	1 787	Dragan Petković	LS	Dragan Petković	LS	13 / 15
Ranilug	3 866	Vladica Aritonović	LS	Katarina Ristić–Ilić	LS	15 / 15
Štrpce	6 949	Bratislav Nikolić	LS	Dalibor Jevtić	LS	10 / 15
Zubin Potok	6 616	Srđan Vulović	LS	Srđan Vulović	LS	15 / 19
Zvečan	7 481	Vučina Janković	LS	Dragiša Milović	LS	18 / 19