Lois Filipe de Braganza

Lois Filipe de Braganza

Biografía
Nacemento	21 de marzo de 1887 Palácio Nacional de Belém, Portugal
Morte	1 de febreiro de 1908 (20 anos) Lisboa, Portugal
Causa da morte	homicidio, ferida por arma de fogo
Lugar de sepultura	Igrexa de São Vicente de Fora
Rexente
Datos persoais
Relixión	Igrexa católica
Actividade
Ocupación	político
Outro
Título	Infante de Portugal (pt) Conde de Barcelos (pt) Príncipe Real de Portugal Duque de Barcelos (pt) Príncipe da Beira Duque de Bragança
Familia	Casa de Bragança
Pais	Carlos I de Portugal   e Amélia de Orleães
Irmáns	Manuel II de Portugal Infanta Maria Anna of Portugal
Premios
Cabaleiro da Orde do Vélaro de Ouro  Gran Cruz da Orde da Inmaculada Concepción de Vila Viçosa  Gran Cruz da Faixa das Tres Ordes
Sinatura

Lois Filipe I, Duque de Braganza, bautizado co nome de Luís Filipe Maria Carlos Amélio Fernando Victor Manuel António Lourenço Miguel Rafael Gabriel Gonzaga Xavier Francisco de Assis Bento de Saxonia-Coburgo-Gotha Bragança, nado en Lisboa o 21 de marzo de 1887, foi fillo do rei Carlos I e da raíña Amelia de Orleáns.

Traxectoria

Exerceu notablemente a rexencia do país durante un breve e transcendental período de tempo en 1907, debido á viaxe do seu pai, en visita protocolar ao estranxeiro. Nese mesmo ano, e por primeira vez para un príncipe portugués desde Xoán VI, realizou unha viaxe oficial ás colonias, neste caso as africanas, visita que tivo un grande impacto no seu momento.

Lois Filipe, coñecedor das ameazas de morte ao seu pai, ía sempre armado cun revólver, para defenderse cando fose preciso, xurando sempre que o matarían a el antes que permitir que lle pasase nada ao seu pai.

Lois Filipe estaba co seu pai e o resto da familia real o 1 de febreiro de 1908, o día do rexicidio. Carlos I foi cribado no medio dunha multitude por fanáticos republicanos, pertencentes á organización terrorista Carbonaria, morrendo no acto, mentres que Lois foi ferido de gravidade e o seu irmán máis novo, Manuel, foi alcanzado nun brazo. Aínda que foi atendido polos doutores, Lois morreu vinte minutos máis tarde.

Ao non contemplarse na monarquía portuguesa a sucesión automática, Lois nunca foi rei, a pesar de sobrevivir ao seu pai. Tras as súas mortes, a coroa portuguesa foi herdada polo seu irmán Manuel II, que se converteu no último rei de Portugal, destronado pola revolución republicana dous anos despois, o 5 de outubro de 1910.

Véxase tamén

Outros artigos

• Ducado de Braganza