Márta Mészáros

Márta Mészáros

Nome orixinal	(hu) Mészáros Márta
Biografía
Nacemento	19 de setembro de 1931 (93 anos) Budapest, Hungría
Educación	Instituto Gerasimov de Cinematografía (–1956)
Actividade
Ocupación	directora de cinema, guionista
Período de actividade	1954 -
Participou en
1984	1984 Cannes Film Festival (en)
1980	1980 Cannes Film Festival (en)
1977	1977 Cannes Film Festival (en)
1969	1969 Cannes Film Festival (en)
Familia
Cónxuxe	Jan Nowicki (–2008) Miklós Jancsó (1958–1968)
Pai	László Mészáros
Premios
(2023)  Premio á Traxectoria da Academia Húngara de Cinema (2021)  Premio do Cinema Europeo á traxectoria (2018)  Hazám-díj (en) (2013)  premio Prima Primissima (2010)  Premio Gundel Art (2007)  Berlinale Camera (en) (2007)  Imre Nagy Order of Merit (en) (2005)  Commander Cross of the Order of Merit of the Hungarian Republic (en) (2004)  Master of Hungarian Motion Picture (en) (1990)  Premio Kossuth (1989)  SZOT prize (en) (1987)  Oso de Prata, premiado polo traballo Diary for My Children (en) (1985)  Meritorius Artist of Hungary (en) (1984)  Gran Premio do Festival de Cinema de Cannes, premiado polo traballo Diary for My Children (en) (1977)  Béla Balázs Award (en) (1975)  Oso de Ouro, premiado polo traballo Örökbefogadás
Descrito pola fonte	Women film directors : an international bio-critical dictionary (en) The St. James women filmmakers encyclopedia

Márta Mészáros, nada en Budapest o 19 de setembro de 1931 é unha guionista e directora de cinema húngara. Filla do escultor László Mészáros, comezou a súa carreira nos documentais, dirixindo vinte e cinco curtametraxes deste xénero durante dez anos. O seu debut na longametraxe, Eltavozott nap (1968), foi o primeiro filme húngaro dirixido por unha muller, e gañou o premio especial do xurado do Festival Internacional de Cinema de Valladolid.

Traxectoria

Primeiros anos e educación

Nada en Budapest, Mészáros pasou os primeiros dous anos da súa vida na Unión Soviética, onde emigraran os seus pais como artistas comunistas en 1936. Mentres estaban aló, o seu pai, László Mészáros, foi arrestado e asasinado en 1938 baixo o réxime stalinista e a súa nai morreu dando a luz. Orfa, Mészáros foi criada pola súa nai adoptiva na Unión Soviética, onde acudiu á escola. Tras volver a Hungría en 1946, Mészáros volveu a Moscova para estudar no VGIK, volvendo de novo a Hungría trala súa graduación en 1956.

Carreira

Mészáros comezou a traballar no Budapest Newsreel Studio en 1954 onde realizou catro curtametraxes, e logo para o estudio de documentais de Alexandru Sahia en Bucarest entre 1957 e 1959. Volveu entón a Budapest en 1958 para dirixir curtametraxes para popularizar a ciencia e curtametraxes documentais ata 1968. Nese momento, Mészáros foi a primeira muller directora de Hungría que realizou unha longametraxe. Na década de 1980, dirixiu a súa serie filmes semiautobiográficos "Diario", que tivo un grande impacto no cinema de Hungría a causa do seu retrato do goberno e das súas experiencias individuais pasadas. Tivo conflitos coa censura húnara e estableceuse como unha voz íntegra do cinema do seu país. Dende o seu debut en 1968, dirixiu máis de cincuenta filmes, gañou numerosos premios e foi membro de varios xurados cinematográficos.

Legado

Os filmes de Mészáros son relexos de moitas maneiros das súas experiencias de crecemento e a súa loita con asuntos relevantes na súa vida. Tras perder os seus pais moi nova e pasar gran parte da súa mocidade vivindo na Hungría post-stalinista, a vida de Mészáros estivo chea de traxedia e opresión, e os seus filmes reflicten ese feito. Ademais, como pasou os primeiros filmes como cineasta traballando en documentais, moitos das súas longametraxes conteñen escenais documentais. A maioría dos seus filmes teñen un final aberto, carecen de argumento convencional e os diálogos son escasos.

No aspecto do contido, os seus filmes exploran os amplos e moitas veces tráxicos saltos entre os ideais e a realidade, e entre os pais e os seus fillos. Nos filmes de Mészáros aparecen realidades habitualmente ignoradas no cinema de Europa oriental: a subordinación das mulleres, os conflitos das culturas urbanas e rurais, o antagonismo entre a burocracia e os seus empregados, o alcoholismo, o salto xeracional, a disolución das estruturas familiares tradicionais e os apuros dos nenos criados polo estado.

Mészáros é unha muller cineasta que consistentemente realiza filmes con éxito tanto crítico como comercial para un público internacional. Os oito filmes que dirixiu entre 1968 e 1979 teñen que ver coa opresión social, as limitacións económicas e os desafíos emocionais vistos polas mulleres húngaras. Nas súas propias palabras, "eu conto historias banais e comúns, e entón nelas as protagonistas son mulleres... eu retrato as cousas dende un ángulo feminino".

Vida persoal

Mészáros casou co cineasta László Karda en 1957, mais divorciáronse en 1959 e en 1960 casou co guionista e director de cinema húngaro Miklós Jancsó, a quen coñeceu durante a súa etapa con Mafilm Group 4. Aínda que se divorciaron en 1973, os seus dous fillos, Nyika Jancsó e Miklós Jancsó Jr., traballaron de forma diferente como directores de fotografía de moitos dos seus filmes. Posteriormente, casou co actor polaco Jan Nowicki, do que se divorciou en 2008. Nowicki protagonizou moitos dos seus filmes, incluído The Unburied Dead. O fillo que este tivo nunha relación anterior, Łukasz Nowicki, protagonizou o filme Kisvilma. Mészáros tamén ten unha filla, Kasia Jancsó, do seu segundo matrimonio.

Filmografía

Ano	Título	Directora	Guionista
1968	Eltavozott nap	Si	Si
1969	Holdudvar	Si	Si
1970	Szép lányok, ne sírjatok!	Si	Non
1973	Szabad lélegzet	Si	Si
1973	Szeptember végén (telefilme)	Si	Non
1975	Örökbefogadás	Si	Si
1976	Kilenc hónap	Si	Si
1977	Ők ketten	Si	Si
1978	Olyan mint otthon	Si	Si
1979	Útközben	Si	Si
1980	Örökség	Si	Si
1981	Anna	Si	Si
1983	Délibábok országa	Si	Non
1984	Napló gyermekeimnek	Si	Si
1987	Napló szerelmeimnek	Si	Si
1989	Bye bye chaperon rouge	Si	Si
1990	Napló apámnak, anyámnak	Si	Si
1992	Edith és Marlene (telefilme)	Si	Non
1994	A magzat	Si	Si
1996	A hetedik szoba	Si	Si
1998	Három dátum	Si
1999	A Szerencse lányai	Si	Si
2000	Kisvilma - Az utolsó napló	Si	Si
2004	A temetetlen halott	Si	Si
2009	Utolsó jelentés Annáról	Si	Si
2011	Ármány és szerelem Anno 1951 (telefilme)	Si	Si
2017	Aurora Borealis	Si	Si

Véxase tamén

Bibliografía

• Quart, Barbara.Three Central European Women Directors Revisited. Cineaste 19.4 (1993): 58. Academic Search Complete. Web. 30 de abril de 2012.
• Parvulescu, Constantin. Betrayed Promises: Politics And Sexual Revolution In The Films Of Márta Mészáros, Miloš Forman And Dušan Makavejev. Camera Obscura 24.71 (2009): 77-105. Academic Search Complete. Web. 30 de abril de 2012. [1]
• Dixon, Wheeler Winston. A Personal/Political Artist: Marta Meszaros. Literature Film Quarterly 23.4 (1995): 293. Academic Search Complete. Web. 30 de abril de 2012.

Ligazóns externas

• Mészáros, Márta, Film Reference.com's Biography of Márta Mészáros
• Ordinary Lives in Extraordinary Times, entrevista en Senses of Cinema (2002)
• Central Europe Review, interview about Kisvilma – Az utolsó napló (Little Vilma: The Last Diary)
• I'm for Liberal, Social Democracy: Marta Meszaros Arquivado 05 de marzo de 2016 en Wayback Machine., entrevista en Economic Times (2009)
• Film: Márta Mészáros's, Diary for my Children
• Márta Mészáros: Happiness is Being Strong Enough to Fight for Yourself and be Cruel at Times, traducido dunha entrevista de 2010 con The Day, xornal de Kiev
• Márta Mészáros: Lies do not Like, traducido dunha entrevista con Viva!
• Adnotated Bibliography