Mago de Oz (personaxe)

Mago de Oz (personaxe)
Tipo	list of Wicked characters (en) e personaxe humano de ficción
Papel	personaxe de título e personaxe secundaria
Obra
	Presente na obra O mago de Oz ; ;
Universo ficticio	universo de Oz
Creador/a	L. Frank Baum
Interpretado por	J. Charles Haydon (pt) , Hobart Bosworth (pt) , Charles Murray (pt) , Frank Morgan (pt) , James Franco, Christopher Gorham, Vincent D'Onofrio, Bill Cosby, Richard Pryor, Queen Latifah, Jeffrey Tambor, Christopher Lloyd e Joel Grey
Biografía
Sexo	home
Actividade
Ocupación	mago, conselleiro e inventor
Cargo ocupado	gobernante
Familia
Fillo/a	Elphaba
	[ Wikidata ]

Para outras páxinas con títulos homónimos véxase: Oz.

O Mago de Oz ou Feiticeiro de Oz (Oscar Diggs) é o nome polo que se coñece o personaxe ficticio dos libros da serie sobre a Terra de Oz, do escritor norteamericano L. Frank Baum, que asume o papel de bruxo para dominar e ser recoñecido. Tamén é o protagonista ou personaxe dos distintos filmes sobre Oz.

Literatura

O Mago Oscar Diggs xorde no primeiro libro, O mago de Oz (The Wonderful Wizard of Oz), como morador da Cidade Esmeralda, fundada por el mesmo, na Terra de Oz - un mundo fantástico, habitado por varios pobos e dominado por bruxas malvadas do Leste e do Oeste.

O Mago preséntase coma un vello artista de circo, que fora un mago ilusionista, e que unha tempestade lévao nun globo para Oz. Cando chega, para se protexer das bruxas, finxe ser un poderoso feiticeiro e crea, mediante moitos trucos, o mito de que é verdadeiramente un bruxo.

Procurado pola nena Dorothy Gale, é revelado o seu segredo. Despois de ter esta derrotado as dúas bruxas malvadas, o Mago tenta regresar ao mundo real con ela, construíndo un novo globo - mais este parte sen ela, accidentalmente.

O meigo retorna a Oz, xunto a Dorothy e un burro no cuarto libro da serie - aínda que a Terra de Oz propiamente dita non figure no enredo, xa que ambos, xunto ao neno Zeb, un cabalo e a nova amiguiña de Dorothy, unha gatiña chamada Eureka, enfróntanse a novos perigos e aventuras nun mundo subterráneo.

Neste volume, Baum revela que Oz traballaba nun circo chamado Bailum & Barney, que alén de tres pistas, tiña un zoolóxico itinerante.

Cinema

No mítico filme de 1939 o personaxe interpretábao Frank Morgan.

No filme de 2013 Oz: The Great and Powerful, o personaxe de Oz (Oscar Diggs) interprétao James Franco.