Manuel Elkin Patarroyo
.jpg) (2013)  | |
| Biografía | |
|---|---|
| Nacemento | (es) Manuel Elkin Patarroyo Murillo 3 de novembro de 1946 Ataco, Colombia |
| Morte | 9 de xaneiro de 2025 (78 anos) Bogotá, Colombia |
| Causa da morte | parada cardiorrespiratoria |
| Educación | Universidade Yale Universidade Nacional de Colombia Universidade Rockefeller |
| Actividade | |
| Campo de traballo | Medicina |
| Ocupación | patólogo, immunólogo, investigador |
| Empregador | Fundación Instituto de Inmunología de Colombia (en)  (2001–) Universidade Nacional de Colombia |
| Familia | |
| Irmáns | Manuel Patarroyo |
| Premios | |
| |
 | |
Manuel Elkin Patarroyo, nado en Tolima, Colombia o 3 de novembro de 1946 e finado en Bogotá o 9 de xaneiro de 2025 foi un patólogo colombiano, nacionalizado español, coñecido mundialmente polo desenvolvemento dunha vacina sintética contra a malaria.
Traxectoria
[editar | editar a fonte]Nado o 3 de novembro de 1946 na cidade colombiana de Tolima estudou medicina na Universidade Nacional de Colombia, ampliando estudos na Universidade Yale e no Instituto Rockefeller de Nova York.
Desenvolveu unha vacina sintética contra a malaria, unha doenza transmitida polo mosquito Anopheles gambiae que afecta a millóns de persoas do terceiro mundo, e que chamou SPf66. En 1999 a OMS, á cal Patarroyo cedeu os dereitos da patente, probou a vacina en Gambia, Tanzania e Tailandia, con resultados parcialmente efectivos.
En 1994, foi galardoado co Premio Princesa de Asturias de Investigación Científica e Técnica pola importancia da súa achega científica na programación, desenvolvemento e experimentación dunha vacina sintética contra a malaria.
Malia que en 1996 conseguiu a nacionalidade española, no presente segue a traballar no Instituto de Inmunoloxía de Colombia, que se atopa na cidade de Bogotá. Os seus estudos céntranse na mellora da vacina contra a malaria ademais da vacina contra a tuberculose, a lepra e o cancro de útero.
