Manuel Novo López
| Biografía | |
|---|---|
| Nacemento | 13 de outubro de 1895  Moreda, España |
| Morte | 23 de xaneiro de 1974 (78 anos) Seoane do Courel, España |
.svg){kind=small} Alcalde de Folgoso do Courel | |
| 18 de marzo de 1936 – xullo de 1936 (destitución) | |
| Actividade | |
| Ocupación | político, industrial |
 | |
Manuel Novo López, nado en Moreda (Seoane do Courel) o 13 de outubro de 1895 e finado en Seoane do Courel o 23 de xaneiro de 1974, foi un industrial e político galego.
Traxectoria
[editar | editar a fonte]Militante de Unión Republicana, da que foi tesoureiro en Seoane do Courel en 1935. Logo do triunfo da Fronte Popular nas eleccións de febreiro de 1936 foi nomeado concelleiro e elixido alcalde de Folgoso do Courel o 18 de marzo.[1] Co golpe de Estado do 18 de xullo de 1936 foi cesado.[2] Estivo fuxido, agochado na súa casa de Moreda. Foi detido o 29 de abril de 1939 con Antonio Aira Domínguez e Manuel Rodríguez Pombo, e internado no cárcere de Monforte de Lemos. Pasou ao cárcere de Lugo o 5 de maio e foi xulgado en Lugo o 23 de novembro por auxilio á rebelión na causa 1004/36 xunto con Manuel Rodríguez Valcárcel,[3] e condenado a 12 anos de prisión. Abríronlle expediente de responsabilidades políticas en marzo de 1940.[4] Cumpriu condena na Prisión do Balneario de Lugo. Saíu en liberdade condicional o 13 de xullo de 1941. Finou en Seoane do Courel o 23 de xaneiro de 1974.[5]
Vida persoal
[editar | editar a fonte]Casou con Ángela López Díaz. Foi tío e padriño de Uxío Novoneyra.[6]
Notas
[editar | editar a fonte]Véxase tamén
[editar | editar a fonte]Bibliografía
[editar | editar a fonte]- Fernández, Eliseo (2022). "A guerrilla no courel: unha primeira achega". En Rodríguez Gutiérrez, Alejandro; Martínez Panizo, Laura. Federación de guerrillas de León-Galicia. Santiago de Compostela: Edicións Positivas. pp. 11–20. ISBN 978-84-126233-9-0.
Ligazóns externas
[editar | editar a fonte]- Ficha en Represión franquista en Lugo
- Expediente de Responsabilidades políticas acumulado nº 18/1940 contra Manuel Novo López e Manuel Rodríguez Valcárcel
| Predecesor: ? |
Alcalde de Folgoso do Courel 1936 |
Sucesor: ?
|
