Manuel Somoza Cambero
| Biografía | |
|---|---|
| Nacemento | 1815  Fiolleda, España |
| Morte | 16 de febreiro de 1893 (77/78 anos) Valladolid, España |
| Datos persoais | |
| País de nacionalidade | España |
| Actividade | |
| Ocupación | avogado , político |
Manuel Somoza Cambero, nado en Fiolleda (Monforte de Lemos) en 1815 e finado en Valladolid o 16 de febreiro de 1893, foi un avogado e político galego.
Traxectoria
[editar | editar a fonte]Participou nos acontecementos violentos de Madrid de 1848. Fracasado o levantamento, tratou de provocar un alzamento en Galicia. Fracasada, foi detido e trasladado ao cárcere do Saladero de Madrid. En 1854 formou parte da xunta de militares e civís que iniciou o levantamento dese ano. Foi elixido deputado por Lugo en 1854, pero renunciou en decembro dese ano.[1] Foi nomeado gobernador civil de Pontevedra o 16 de agosto de 1854,[2] permanecendo no cargo ata que foi nomeado gobernador civil de Zamora o 20 de agosto de 1856,[3] cesando o 25 de outubro de 1856. Foi designado inspector administrativo de Ferrocarrís en Comisión o 13 de agosto de 1864. Finou en Valladolid o 16 de febreiro de 1893.[4]
Recoñecementos
[editar | editar a fonte]- Orde de Isabel a Católica, 1866.
- Gran Curz de Carlos III, 1870.
Vida persoal
[editar | editar a fonte]Era irmán de Ramón Somoza Cambero, que finou en Monforte de Lemos en 1887.[5] Casou con Carlota Gutiérrez de los Ríos e foi pai de Emilia Somoza Gutiérrez.
Notas
[editar | editar a fonte]Véxase tamén
[editar | editar a fonte]Bibliografía
[editar | editar a fonte]- Parlamentarios de Galicia. Biografías de deputados e senadores (1810-2003). Santiago de Compostela: Parlamento de Galicia : Real Academia Galega. pp. 649–650. ISBN 84-87987-27-3.
