María González Albert

María González Albert

Biografía
Nacemento	1977 (47/48 anos) A Rúa, España
Alcaldesa da Rúa
17 de xuño de 2023 –
Deputada do Parlamento de Galicia
agosto de 2020 (Xuliano) – xuño de 2023 (dimisión)
Alcaldesa da Rúa
12 de xuño de 2015 – 20 de xuño de 2017 (dimisión) ← Avelino García Ferradal
Datos persoais
Educación	Universidade de Santiago de Compostela - xornalismo
Actividade
Ocupación	política
Partido político	Bloque Nacionalista Galego

María González Albert, nada na Rúa en 1977, é unha política galega do BNG.

Traxectoria

Natural da Rúa, é licenciada en Ciencias da Información pola Universidade de Santiago de Compostela. Iniciou a súa andaina institucional como concelleira do BNG no Concello de Ourense entre 2003 e 2006.

Foi candidata do BNG na Rúa nas eleccións municipais de 2007 e 2011 aínda que non foi elixida concelleira. En decembro de 2012 entrou como concelleira para substituír a Xaquín Pérez. Nas eleccións municipais de 2015 encabezou a candidatura do BNG á alcaldía da Rúa e foi elixida alcaldesa grazas a un pacto de goberno co PSdeG-PSOE. En virtude deste pacto de goberno cedeulle a alcaldía ó candidato socialista Luís Fernández Gudiña en xuño de 2017. Nas municipais de 2019 encabezou novamente a candidatura do BNG e pasou á oposición, dado que o PPdeG logrou o goberno grazas á abstención dos independentes do RUA.

Nas autonómicas de 2020 foi a número 3 da candidatura do BNG pola provincia de Ourense e foi elixida deputada do Parlamento de Galicia. En xuño de 2023 presenta a súa renuncia como deputada do Parlamento por incompatibilidade de cargos ao recupera-la alcaldía da Rúa grazas a un pacto co PSdeG-PSOE e o RUA.

Predecesor: Avelino García Ferradal	Alcaldesa da Rúa  2015 - 2017	Sucesor: Luís Fernández Gudiña
Predecesor: Álvaro José Fernández López	Alcaldesa da Rúa  2023 - actualidade	Sucesor: no cargo

Véxase tamén

Outros artigos

• Eleccións municipais na Rúa