María Obelleiro
 (2018)  | |
| Biografía | |
|---|---|
| Nacemento | 4 de abril de 1985 (39 anos) Soutomaior, España |
| Educación | Universidade de Santiago de Compostela |
| Actividade | |
| Ocupación | xornalista |
    | |
María Obelleiro Hermida, nada en Arcade (Soutomaior) o 4 de abril de 1985[1], é unha xornalista galega e docente galega. Foi directora de Sermos Galiza[2] e dende xaneiro de 2020 ata agosto de 2024 dirixiu Nós Diario[3].
Traxectoria
[editar | editar a fonte]Licenciada en Xornalismo pola Universidade de Santiago de Compostela (especialidade de xornalismo audiovisual), cursou o Mestrado Universitario de Protocolo na Universidade de Barcelona e o Mestrado Universitario en Profesorado de Educación Secundaria Obrigatoria e Bacharelato, Formación Profesional e Ensinanzas de Idiomas. Tamén conta co Grao en Educación Primaria.
Especialista en Xornalismo en igualdade, foi a directora de Nós Diario desde a súa posta en marcha, en xaneiro de 2020. Previamente, 2017 dirixiu o semanario en papel Sermos Galiza e desde febreiro de 2019 estivo tamén á fronte da edición dixital, www.sermosgaliza.gal [4].
Empezou a súa traxectoria como xornalista en A Nosa Terra. Colaborou no desaparecido Correo Televisión, nos faladoiros de actualidade política de Radio Galega e no portal Tribuna Catalana, así como no diario euskaldún Berria e no dixital catalán Vilaweb. Precisamente, cos directores de Berria, Martxelo Otamendi, e de Vilaweb, Vicent Partal, participou nas cartas cruzadas "Galeusca de Direccións".
Participou na redacción dos Informes de Literatura do Centro Ramón Piñeiro para a Investigación en Humanidades.[5]
Participou en 2018 no foro Las mujeres que opinan son peligrosas.[6]
En agosto de 2024 anunciou que deixaba o xornalismo para impartir clases no ensino público galego, tras aprobar as oposicións. Substituíuna na dirección do xornal o político e xornalista Alberte Mera.
Recoñecemento
[editar | editar a fonte]Gañou o Premio de xornalismo Johán Carballeira en 2016-2017, cunha reportaxe titulada O aparheid sanitario na Galiza.[7][8]
Notas
[editar | editar a fonte]- ↑ "María Obelleiro (@MObelleiro)". twitter.com. Consultado o 26 de febreiro de 2019.
- ↑ "María Obelleiro". Sermos Galiza. Arquivado dende o orixinal o 26 de xuño de 2018. Consultado o 3 de setembro de 2018.
- ↑ “Nós Diario nace xa hoxe como terceiro xornal en papel de Galiza en número de subscricións”, entrevista en Praza Pública, 2 de xaneiro de 2020.
- ↑ "María Obelleiro Hermida". Arquivado dende o orixinal o 02 de maio de 2018. Consultado o 2 de maio de 2018.
- ↑ Redacción. "Sermos Galiza unifica as direccións do diario dixital e do semanario". Sermos Galiza. Arquivado dende o orixinal o 01 de febreiro de 2019. Consultado o 2019-01-31.
- ↑ Deputación de Pontevedra (ed.). "Foro Las Mujeres que Opinan Son Peligrosas". Consultado o 2 de maio de 2018.
- ↑ Concello de Bueu (ed.). "HISTÓRICO DOS PREMIOS DE XORNALISMO JOHÁN CARBALLEIRA DE BUEU" (PDF). Consultado o 2 de maio de 2018.
- ↑ "María Obelleiro, directora do semanario, gaña o Xohán Carballeira de xornalismo". Sermos Galiza (en inglés). Arquivado dende o orixinal o 26 de febreiro de 2019. Consultado o 26 de febreiro de 2019.
Véxase tamén
[editar | editar a fonte]Ligazóns externas
[editar | editar a fonte]- Artigos de ObelleiroArquivado 03 de maio de 2018 en Wayback Machine..
