María Paleóloga (raíña de Serbia)
| Nome orixinal | (el) Μαρία Παλαιολογίνα  |
|---|---|
| Biografía | |
| Nacemento | século XIV |
| Morte | 7 de abril de 1355 (Gregoriano) |
| Lugar de sepultura | Skopje |
| Actividade | |
| Ocupación | monxa cristiá |
| Outro | |
| Título | Raíña |
| Familia | Dinastía Paleólogo |
| Cónxuxe | Jovan Oliver (1336 (Gregoriano)–) Estevo Uroš III Dečanski (1324 (Gregoriano)–) |
| Fillos | Jelena Nemanjić Šubić (  ) Estevo Uroš III DečanskiSimeón Uroš ( ) Estevo Uroš III DečanskiTheodora Nemanjić ( ) Estevo Uroš III Dečanski |
| Pais | João Paleólogo e Irene |
| Irmáns | Q60925781 |
María Paleóloga (en serbio: Марија Палеолог, Marija Paleolog), finada o 7 de abril de 1355, foi a raíña consorte de Estevo Uroš III Dečanski de Serbia. Era a filla do panipersebasto Xoán Paleólogo, e sobriña neta do emperador Andrónico II Paleólogo. O seu avó materno foi o gran logóteta Teodoro Metoquites.
Traxectoria
[editar | editar a fonte]O seu pai era o gobernador de Tesalónica a principios dos anos 1320. Estevo Uroš III anteriormente estivera casado con Teodora de Bulgaria, pero o matrimonio terminou na morte de Teodora o 20 de decembro de 1322. Uroš III casou con María en 1324. O matrimonio da parella real durou até a morte do seu esposo. Estevo Uroš III foi derrotado polo seu fillo Estevo Uroš IV Dušan (do matrimonio con Teodora) en 1331, e pouco despois morreu en Zvečan (1332). A relación entre o pai e o fillo fora mala, a usurpación foi incitada pola «nova» nobreza. María tratou de reafirmar o trono para o seu fillo Simeón, mediante a axuda bizantina, pero isto non tivo éxito. María tomou os votos monásticos como Marta, e en 1348, Simeón converteuse no gobernador das provincias do sur do Imperio serbio. María morreu o 7 de abril de 1355, e foi enterrada en Skopje.
Tivo un fillo e dúas fillas polo seu matrimonio con Estevo Uroš III:
- Simeón Uroš, emperador rival dos serbios e os gregos no sur do Imperio serbio.
- Jelena, casou co duque croata Mladen III Šubić de Bribir.
- Teodora, casou co déspota Dejan Dragaš de Kumanovo.
Véxase tamén
[editar | editar a fonte]Bibliografía
[editar | editar a fonte]- Fine, John Van Antwerp (1994). The Late Medieval Balkans: A Critical Survey from the Late Twelfth Century to the Ottoman Conquest. University of Michigan Press. ISBN 978-0-472-08260-5.