María Vieites Díaz
| Biografía | |
|---|---|
| Nacemento | 1991  (33/34 anos)Ribadeo, España |
| Educación | Universidade de Santiago de Compostela - Doutora en filosofía (2014–2019) Universidade de Santiago de Compostela - Mestrado en ciencias (2013–2014) Universidade de Santiago de Compostela - graduado en ciencias (2009–2013) IES Porta da Auga |
| Actividade | |
| Ocupación | física, investigadora |
| Empregador | Consello Europeo para a Investigación Nuclear (2023–) Escola Politécnica Federal de Lausana (2019–) Universidade de Santiago de Compostela |
María Vieites Díaz, nada en Ribadeo en 1991, é unha científica galega, investigadora en física de altas enerxías.
Traxectoria
[editar | editar a fonte]Tras facer o ensino medio no IES Porta da Auga de Ribadeo, estudou na Universidade de Santiago, onde tras rematar CC. Físicas se doutorou en 2019. cunha tese sobre o estudo das diferenzas de comportamento entre materia e antimateria mediante a análise de amplitudes en decaementos de mesóns B no experimento LHCb do CERN
Fixo o posdoutoramento no LPHE (Laboratoire de Physique des Hautes Energies; en galego, Laboratorio de Física de Altas Enerxías) obtendo un posto no programa Ramón y Cajal, co que, tras varios anos no CERN e na École Polytechnique Fédérale de Lausanne (EPFL, Suíza), retornou a Galicia no 2024.[1]
En xuño de dito ano, foi nomeada coordinadora adxunta no experimento LHCb do CERN,[2] un equipo de que forman parte máis de 1.700 persoas dun cento de institucións de 22 países. O seu nomeamento coincidiu coa fase previa a pasar a formar parte do Instituto Galego de Física de Altas Enerxías (IGFAE) en setembro de 2024.[3]
Foi relatora en diferentes congresos e seminarios en Europa e América, e participou en numerosas publicacións.[4][5][6]
Recoñecementos
[editar | editar a fonte]No 2020 foi recoñecida mellor científica galega menor de 30 anos.[7]
Notas
[editar | editar a fonte]- ↑ "María Vieites Diaz awarded by Ramón y Cajal scholarship". EPFL (en inglés). 2023-09-27. Consultado o 2024-07-11.
- ↑ Redacción (2024-07-10). "Unha física galega acada un dos cargos máis relevantes nun experimento no CERN". GCiencia. Consultado o 2024-07-11.
- ↑ "María Vieites, nomeada coordinadora adxunta de física no experimento LHCb do CERN". IGFAE. 2024-07-10. Consultado o 2024-07-11.
- ↑ "Dr. María Vieites Díaz from CERN visits IFIC from 20th to 21st November 2023". webific.ific.uv.es. 2023-10-31. Consultado o 2024-07-11.
- ↑ https://indico.cern.ch/event/982304/contributions/4148323/attachments/2162911/3649804/mvieites_attenuationmaps.pdf
- ↑ https://www.researchgate.net/scientific-contributions/Maria-Vieites-Diaz-2132779306
- ↑ "«O día a día da investigación pode ser moi estimulante e, sobre todo, divertido»". La Voz de Galicia (en castelán). 2020-01-05. Consultado o 2024-07-11.
