Mar Cabra

Mar Cabra
	; (2022)
Biografía
Nacemento	(es) María del Mar Cabra Valero ; 14 de xuño de 1983 (41 anos); Madrid, España
Residencia	Aguadulce (2017–)
Educación	Columbia University Graduate School of Journalism - Mestrado (2009–2010); Universidade Complutense de Madrid - comunicação audiovisual (pt)
Actividade
Ocupación	investigative journalist (en) , analista (pt)
Empregador	International Consortium of Investigative Journalists Inc., director de tecnoloxía (2011–2017) ; CNN+ ; British Broadcasting Corporation ; La Sexta Noticias (pt)
Membro de	International Consortium of Investigative Journalists Inc.
Profesores	Gina Chua (en)
Obra
	Obras destacables Spain’s $8 Billion Fish (en) ; Swiss Leaks (pt) ; The Black Market in Bluefin (en) ; 中国离岸金融解密 China Leaks (en) ; Fatal Extraction: Australian Mining’s Damaging Push Into Africa (en) ; Plunder in the Pacific (en) ; Skin and Bone (en) ; Secrecy for Sale: Inside the Global Offshore Money Maze (en) ; (2014) Luxemburgo leaks (pt) ; (2016) Papeis de Panamá; (2017) Paradise Papers; (2018) Implant Files (en) ;
Cronoloxía
	Papeis de Panamá
Premios
	(2017) Prémio Pulitzer de Reportagem Explicativa (pt) , premiado polo traballo Papeis de Panamá; (2017) Data Science Awards España (en) , premiado polo traballo Papeis de Panamá; (2016) Premio APM ó mellor xornalista do ano, premiado polo traballo Papeis de Panamá; (2012) Premio Larra Concedido por Asociación de la Prensa de Madrid ;

María del Mar Cabra Valero, nada en Madrid o 14 de xuño de 1983, é xornalista de investigación e especialista en análise de datos española. É licenciada en Comunicación Audiovisual pola Universidade Complutense de Madrid e máster en Xornalismo de investigación pola Universidade de Columbia de Nova York, estudos que realizou grazas a unha bolsa Fulbright.

Traxectoria

Desde o ano 2004 traballou en diversos medios nacionais e internacionais, sendo investigadora e xornalista local na BBC para temas sobre España. Desde 2005 traballou como redactora, videoperiodista e produtora en medios como CNN+, El Mundo e la Sexta.

Entrevista a Mar Cabra no Centro de Cultura Contemporánea de Barcelona.

No ano 2009 recibiu unha bolsa Fulbright para estudar no Centro Stabile de Xornalismo de Investigación (Universidade de Columbia) de Nova York onde recibe varios premios e honras, como o DuPont-Crichton ao mellor documental. Durante a súa estancia nos Estados Unidos traballou como investigadora na televisión pública norteamericana PBS, no Miami Herald e noutros medios como The Huffington Post.

Desde o ano 2011 é membro do Consorcio Internacional de Xornalistas de Investigación, unha organización que conta con máis de 160 xornalistas que traballan xuntos en investigacións transnacionais. Os proxectos nos que traballou até a data son: Secrecy for Sale: Inside the Global Offshore Money Maze (sobre paraísos fiscais), Skin and Bone (sobre a comercialización de tecidos humanos), Plunder in the Pacific e Spain’s $8 Billion Fish (ambos sobre o sector pesqueiro).^[1]

Mar Cabra é unha das impulsoras en España do xornalismo de datos; durante o ano 2012 dirixiu a Fundación Cidadá Civio, unha organización sen ánimo de lucro que utiliza a tecnoloxía para apostar por unha maior transparencia e un acceso libre aos datos públicos.

En decembro de 2012 foi elixida como vicepresidenta do capítulo español da Open Knowledge Foundation, unha organización non lucrativa dedicada a promover os datos abertos e o coñecemento aberto.

Cabra formou parte do equipo internacional de xornalistas que levou a cabo a investigación dos papeis de Panamá e que recibiu o Premio Pulitzer 2017, na categoría de xornalismo en profundidade.^[2] Dita investigación foi tamén premiada pola Asociación da Prensa de Madrid, que outorgou aos xornalistas españois que participaron nela cos Premios APM ao Mellor Xornalista do Ano 2016.^[3]

Adicta á tecnoloxía e hiperconectada, segundo conta ela mesma, Mar Cabra quedou saturada e decidiu retirarse á costa almeriense para desconectarse e meditar. Despois de dous ou tres anos, en 2020 anunciou a súa volta para espertar unha conciencia colectiva fronte á tecnoloxía.^[4]

Premios

A Asociación da Prensa de Madrid premiou a Mar Cabra o ano 2012 co Premio Larra ao xornalista menor de 30 anos máis destacado do ano.^[5]

Como parte do equipo internacional de xornalistas que realizaron a investigación coñecida como os papeis de Panamá, Mar Cabra recibiu o Premio Pulitzer 2017.

Igualmente, a mesma investigación dos papeis de Panamá, da que formou parte Mar Cabra, recibiu en 2016 os Premios APM ao Mellor Xornalista do Ano.

Notas

↑ "Perfil de Mar Cabra". Consultado o 21 de outubro de 2022.
↑ "Mar Cabra: "El Pulitzer a papeles de Panamá es un premio al trabajo en equipo"". El Confidencial. 11 de abril de 2017. Consultado o 21 de outubro de 2022.
↑ Martín, Xose (14 de xuño de 2017). "Papeles de Panamá: las grandes investigaciones periodísticas funcionan mejor si se hacen en colaboración". Asociación de la Prensa de Madrid. Consultado o 21 de outubro de 2022.
↑ Lacort, Javier (6 de setembro de 2020). "De dar charlas TED y ganar un Pulitzer a retirarse de la gran ciudad y de lo digital: referentes de la tecnología saturados por la tecnología". Xataka. Consultado o 21 de outubro de 2022.
↑ Premios de periodismo de la Asociación de la Prensa de Madrid del 2012

[1] "Perfil de Mar Cabra". Consultado o 21 de outubro de 2022.

[2] "Mar Cabra: "El Pulitzer a papeles de Panamá es un premio al trabajo en equipo"". El Confidencial. 11 de abril de 2017. Consultado o 21 de outubro de 2022.

[3] Martín, Xose (14 de xuño de 2017). "Papeles de Panamá: las grandes investigaciones periodísticas funcionan mejor si se hacen en colaboración". Asociación de la Prensa de Madrid. Consultado o 21 de outubro de 2022.

[4] Lacort, Javier (6 de setembro de 2020). "De dar charlas TED y ganar un Pulitzer a retirarse de la gran ciudad y de lo digital: referentes de la tecnología saturados por la tecnología". Xataka. Consultado o 21 de outubro de 2022.

[5] Premios de periodismo de la Asociación de la Prensa de Madrid del 2012

[1]

[2]

[3]

[4]

[5]