Mar García Rodríguez
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde agosto de 2013.) |
 | Este artigo é orfo, xa que carece doutros artigos que apunten cara a el. Por favor, engade ligazóns a esta páxina desde outros artigos relacionados con este. |
| Biografía | |
|---|---|
| Nacemento | (es) María del Mar García Rodríguez  1967 (56/57 anos)Madriñán, España |
| Actividade | |
| Ocupación | pintora |
María do Mar García Rodríguez, nada en Madriñán (Lalín) en 1967, é unha escultora e pintora galega. Actualmente imparte clases de plástica no IES Laxeiro de Lalín.
Traxectoria
[editar | editar a fonte]Mar García é licenciada en Belas Artes na especialidade de escultura pola facultade de BB.AA. da Universidade de Salamanca. Durante os anos que estivo estudando (1987-1991), a artista conseguiu varias bolsas: unha Bolsa de Pintores Pensionados en Segovia no 1988, e unha Bolsa de Colaboración en Escultura durante o curso 1990-91 na facultade de Salamanca. Os primeiros premios da súa carreira como escultora recibiunos entre os anos 1987 e 1988 na Escuela de Nobles y Bellas Artes de Sam Eloy en Pintura I e Pintura II, pertencente á Caja de Ahorros y M.P. de Salamanca. En 1997 participou nunha exposición colectiva celebrada na Galería Sargadelos de Ourense. Nese mesmo ano amosou as súas obras na reunión que baixo o título Nós Outras se celebrou na librería María Balteira de Santiago de Compostela. Este ano foi o máis completo da súa actividade, participando tamén en dúas exposicións colectivas celebradas en Lalín. A súa primeira individual foi no Concello de Silleda, en 1998; nese mesmo ano presentou, con ocasión da celebración da feira Turiarte’98 na Fundación Semana Verde de Silleda, unha obra que se inspira na natureza; cores frías que semellan o mar embravecido a través dunha composición que rolda a abstracción. Tres anos despois, no 2001, presentaba, con motivo da V Bienal Pintor Laxeiro celebrada no Museo Municipal Ramón María Aller de Lalín, a obra Roda sen ti; unha obra mixta de óleo sobre lenzo e madeira e de formato circular, semellando unha roda, que ofrece unha paleta de cores na que unha man que sobresae fai referencia á predilección da artista pola escultura. A mestura de materiais propón o desexo da autora por afastarse da pintura tradicional e deixar fluír a súa imaxinación.
Exposicións e certames
[editar | editar a fonte]- 1987:
- Caja de Ahorros y M.P. de Salamanca.
- 1988:
- Caja de Ahorros y M.P. de Salamanca.
- Torreón de Lozoya. Salamanca.
- 1991:
- Museo de Salamanca.
- "10 anos de Algarabía". Museo Ramón Mª Aller de Lalín.
- Museo Municipal "Ramón Mª Aller" de Lalín.
- 1996:
- Casa de Cultura de Xinzo de Limia.
- 1997:
- Galería Sargadelos de Santiago de Compostela.
- 1998:
- "Turiarte", recinto Semana Verde de Galicia, Silleda.
- 1999:
- Cafetería Copacabana de Lalín.
- 2000:
- 2001:
- "Arte Solidaria", Museo Municipal Ramón Mª Aller de Lalín.
- V Bienal Laxeiro, Museo Municipal Ramón Mª Aller de Lalín.
- 2º Premio Galería Burela 2001, concello de Burela.
- Publicación-Ilustración O Primeiro Partido de Fútbol. Ed. Fervenza.
- Colectiva Hostal dos Reis Católicos, Santiago de Compostela.