Maria Carmela Colaneri
| Biografía | |
|---|---|
| Nacemento | 10 de febreiro de 1963  (61 anos)Roma, Italia |
| Actividade | |
| Ocupación | medallista |
Maria Carmela Colaneri, nada en Roma o 10 de febreiro de 1963, é unha gravadora, medallista e deseñadora de moedas italiana.
Traxectoria
[editar | editar a fonte]Maria Carmela Colaneri cursou estudos de medallística na Escola de Arte da Medalla Giuseppe Romagnoli, da Casa da Moeda do Estado.[1]
Logo do seu período formativo entrou a formar parte do cadro de gravadores do Istituto Poligrafico e Zecca dello Stato, onde comezou a deseñar e gravar medallas e moedas dun xeito profesional.[1]
Obra
[editar | editar a fonte]
Colaneri é autora dun bo número de moedas, tanto circulantes como conmemorativas, cuñadas non só para Italia senón tamén para a Cidade do Vaticano e a República de San Marino.[1][3]
Entre as súas obras máis populares está o anverso nacional italiano da moeda de dous euros que reproduce o retrato de Dante Alighieri pintado por Rafael.[2]
É de destacar tamén a súa moeda de 500 liras conmemorativa —non circulante— sobre a "flora e fauna de Italia", que foi galardoada co premio á mellor moeda do ano 1992.[4][5]
Notas
[editar | editar a fonte]- ↑ 1,0 1,1 1,2 "Maria Carmela Colaneri". Mebnet.altervista.org
- ↑ 2,0 2,1 "Italia: 2 Euro". Numista.com
- ↑ Catálogo de moedas deseñadas por Maria Carmela Colaneri. Numista.com
- ↑ "500 Lire Flora & Fauna". Numista.com
- ↑ Scarinci, D. (2015). Coin of the Year: Celebrating Three Decades of the Best in Coin Design and Craftsmanship. Krause Publications. Páxina 63. ISBN 978-1-4402-4476-6
