Maria Mitchell

Maria Mitchell
	;
Biografía
Nacemento	1 de agosto de 1818 ; Nantucket, Estados Unidos de América (pt)
Morte	29 de xuño de 1889 (70 anos); Lynn, Estados Unidos de América (pt)
Lugar de sepultura	Prospect Hill Cemetery (en)
Relixión	Unitarismo
Educación	Vassar College (pt)
Actividade
Campo de traballo	Astronomía, bibliotecoloxía, ciencias naturais e pedagoxía
Ocupación	astrónoma, escritora, profesora universitaria, bibliotecaria, naturalista
Empregador	Vassar College (pt) (1865–1888)
Membro de	Sociedade Filosófica Estadounidense ; Academia das Artes e das Ciencias dos Estados Unidos ; Asociación Americana para o Avance das Ciencias
Familia
Pais	William Mitchell e Lydia Mitchell
Parentes	Mary Albertson, curmán
Premios
	(1994) National Women's Hall of Fame; Membro da Academia Estadounidense das Artes e as Ciencias ;
	Sinatura
Descrito pola fonte	A Woman of the Century (en) , (sec:Maria Mitchell); Dictionary of Women Worldwide; American Women Writers (en)
Páxina web	mariamitchell.org

Maria Mitchell, nada en Nantucket (Massachusetts) o 1 de agosto de 1818 e finada en Lynn o 28 de xuño de 1889, foi a primeira muller dedicada a astronomía nos Estados Unidos e a primeira muller que formou parte da Academia Estadounidense de Artes e Ciencias.^[1]

Traxectoria

Terceira nunha familia con dez fillos, asistiu a un centro de ensino para señoritas, tendo ademais autoeducación.

Foi profesora de astronomía para mulleres no Vassar College e chegou a ser a directora do seu observatorio.^[2] ^[3]O primeiro de outubro de 1847 converteuse na terceira muller en descubrir un cometa co telescopio (Miss Mitchell's Comet) polo que recibiu unha medalla de ouro do rei Federico de Dinamarca.^[4] Calculou táboas de posicións astronómicas de Venus, tomou fotografías dos planeta Xúpiter e Saturno e das súas lúas, estudou nebulosas, estrelas dobres e eclipses solares. Desenvolveu teorías sobre as súas observacións como a revolución dunha estrela arredor doutra nas estrelas dobres en formación e a influencia da distancia e da composición química na variación da cor da estrela. Estudou a eclipse solar total. Tomou as primeiras fotografías ordinarias do Sol e elaborou unha hipótese sobre as manchas solares que, no canto de ser nubes serían cavidades na superficie solar.

Foi a primeira muller elixida para ocupar un posto en diversas institucións científicas americanas, como a AAAS (Asociación Americana para o Avance da Ciencia).^[4] Fundou e foi presidenta da Asociación Americana para o Avance das Mulleres.^[4] Así mesmo, obtivo un grao honorario en Columbia.

Foi unha muller con ideais que loitou pola súa igualdade salarial respecto aos homes, en protesta contra a escravitude deixou de vestir prendas de algodón e apoiou o movemento sufraxista.^[5]

Recoñecemento

Pola súa figura reciben o seu nome: o observatorio de Nantucket, un barco da segunda guerra mundial, un cráter lunar,^[4] un asteroide e foi incluída na galería da fama dos Estados Unidos.

Notas

↑ F., Shearer, Benjamin (1997). Notable women in the physical sciences : a biographical dictionary. Greenwood Press. ISBN 0-313-29303-1. OCLC 243866627.
↑ "Maria Mitchell - Vassar College Encyclopedia - Vassar College". vcencyclopedia.vassar.edu. Arquivado dende o orixinal o 28 de xuño de 2019. Consultado o 2021-05-08.
↑ Claramunt e Claramunt (2012)
↑ ^4,0 ^4,1 ^4,2 ^4,3 Altschuler e Ballesteros (2016).
↑ Calvo Iglesias, Encina (2016). Científicas y sufragismo. SIEMUS (Seminario Interdisciplinar de Estudios de las Mujeres de la Universidad de Sevilla. ISBN 978-84-945243-2-5.

Véxase tamén

Bibliografía

Claramunt Vallespí, Rosa; Claramunt Vallespí, Teresa (2012). MUJERES EN CIENCIA Y TECNOLOGIA. UNED. ISBN 9788436264210.
Daniel Roberto Altschuler e Fernando J. Ballesteros (2016). Las mujeres de la Luna. Historias de amor, dolor y valor. Editorial: Next Door Publishers e Jot Down Books (Colección El café Cajal). ISBN: 978-84-944435-4-1.

Outros artigos

Astronomía

Ligazóns externas

Maria Mitchell, la profesora de astronomía que con 14 años guiaba a los barcos balleneros no blog Mujeres con Ciencia.

[1] F., Shearer, Benjamin (1997). Notable women in the physical sciences : a biographical dictionary. Greenwood Press. ISBN 0-313-29303-1. OCLC 243866627.

[2] "Maria Mitchell - Vassar College Encyclopedia - Vassar College". vcencyclopedia.vassar.edu. Arquivado dende o orixinal o 28 de xuño de 2019. Consultado o 2021-05-08.

[3] Claramunt e Claramunt (2012)

[:0-4] 4,0 ^4,1 ^4,2 ^4,3 Altschuler e Ballesteros (2016).

[5] Calvo Iglesias, Encina (2016). Científicas y sufragismo. SIEMUS (Seminario Interdisciplinar de Estudios de las Mujeres de la Universidad de Sevilla. ISBN 978-84-945243-2-5.

[1]

[2]

[3]

[4]

[5]