Maria Verónica Reina
| Biografía | |
|---|---|
| Nacemento | 15 de xuño de 1964  |
| Morte | 27 de outubro de 2017 (53 anos) Rosario, Arxentina |
| Educación | Universidad Nacional de Educación a Distancia |
| Actividade | |
| Ocupación | activista polos dereitos dos discapacitados, educational psychologist (en)  |
| Membro de | |
Maria Verónica Reina, nada o 15 de xuño de 1964 e finada o 27 de outubro de 2017, foi unha psicóloga educativa arxentina e activista que fixo campaña internacionalmente na defensa dos dereitos das persoas con discapacidade. En representación do International Disability and Development Consortium, foi unha das principais contribuíntes nas negociacións da Convención Internacional sobre os Dereitos das Persoas con Discapacidade.[1][2]
Primeiros anos
[editar | editar a fonte]Nada na Arxentina o 15 de xuño de 1964, Maria Verónica Reina quedou discapacitada nun accidente de tráfico á idade de 17 anos cando cursaba o seu último ano escolar. Porén, despois dun período no hospital, puido completar os seus estudos. Tiña a esperanza de converterse en mestre, pero denegóuselle a entrada ós estudos educativos xa que as persoas discapacitadas non estaban autorizadas a ensinar na Arxentina.[3] Logrou superar estas dificultades optando por estudar psicoloxía educativa, graduándose na Universidade Católica de Santa Fe en Educación Especial para Integración Escolar. Despois obtivo unha mestría en Educación e Ensinanza Aberta e a Distancia da Universidade Nacional de Educación a Distancia de España.[1]
Carreira
[editar | editar a fonte]Reina desenvolveu experiencia traballando en varias institucións, incluíndo o Instituto Universitario San Martín en Rosario, Arxentina; a Organización de Persoas Discapacitada Arxentina, Cilsa; Center for International Rehabilitation, Chicago (1997); o Instituto para a Defensa Internacional da Incapacidade; o Instituto para a Cooperación e o Desenvolvemento Internacional; e o Centro de Rehabilitación Internacional.[4][5][6]
Traballou como directora de proxectos internacionais no Instituto Burton Blatt (BBI) da Universidade de Siracusa en Washington D.C. desde 2006. En 2008, co apoio do BBI e do Banco Mundial, foi nomeada como primeira Directora Executiva da Alianza Mundial para a Discapacidade e o Desenvolvemento. A alianza propúxose promover a inclusión das persoas discapacitadas nas políticas e prácticas a través das axencias de desenvolvemento.[5] Participou activamente no Comité Ad hoc das Nacións Unidas para a Convención sobre Discapacidade.[6]
Nas negociacións sobre a Convención da ONU, involucrou a organizacións de persoas con discapacidades de todo o mundo no seu compromiso cos dereitos humanos universais para as persoas con discapacidade nun mundo inclusivo, accesíbel e sustentábel.[2] No seu papel como Coordinadora do International Disability Caucus representou ás persoas con discapacidade durante as negociacións. Ela moderou eficazmente as comunicacións e logrou o consenso entre as partes interesadas con diferentes intereses. Presidiu reunións e conferencias, moderou comunicacións e coordinou a tradución e distribución de documentación en castelán para América latina.[1]
Nos meses previos á súa morte, axudou a promover a eficacia do Grupo de partes interesadas de persoas con discapacidade no marco da International Disability Alliance. Nunha reunión consultiva das Nacións Unidas en Bos Aires, buscou reforzar o papel da comunidade de persoas con discapacidade no desenvolvemento da Convención sobre os Dereitos das Persoas con Discapacidade.[2]
Maria Verónica Reina faleceu na súa cidade natal, Rosario, o 27 de outubro de 2017. Tiña 54 anos.[2]
Notas
[editar | editar a fonte]- ↑ 1,0 1,1 1,2 "Maria Veronica Reina, former director of BBI international programs, Passes Away in Argentina". 31 de outubro de 2017.
- ↑ 2,0 2,1 2,2 2,3 "Passing of Ms Maria Veronica Reina". 31 de outubro de 2017.
- ↑ ""Ich bin anders, aber gleich (3): Maria Veronica Reina, Argentinien/USA"" (en alemán). 25 de xaneiro de 2012. Arquivado dende o orixinal o 14 de marzo de 2020. Consultado o 11 de marzo de 2021.
- ↑ "Centrer for International Rehabilitation- GuideStar Profile".
- ↑ 5,0 5,1 "Global disability and poverty efforts get key boost from agreement between SU’s Burton Blatt Institute and World Bank". 29 de xaneiro de 2008.
- ↑ 6,0 6,1 ""World Bank, Syracuse U. Join Forces Against Poverty Among Disabled People"". 2 de febreiro de 2008.