Martin Garitano
.jpg) (2011)  | |
| Biografía | |
|---|---|
| Nacemento | 4 de agosto de 1963 (61 anos) Bergara, España |
 9º Deputado Xeral de Guipúscoa | |
| 23 de xuño de 2011 – 23 de xuño de 2015 ← Markel Olano – Markel Olano → | |
| Actividade | |
| Ocupación | político, xornalista |
| Partido político | Bildu |
Martin Garitano Larrañaga, nado en Bergara (Guipúscoa) o 4 de agosto de 1963, é un xornalista e político vasco de ideoloxía independentista de esquerdas. Dende o 23 de xuño de 2011 até o 23 de xuño de 2015 foi o Deputado Xeral, presidente da Deputación Foral de Guipúscoa, elixido tras concorrer ás eleccións forais dese ano como independente na candidatura da coalición Bildu.[1] Está casado e ten un fillo.
Xornalista
[editar | editar a fonte]Martin Garitano foi redactor xefe do desaparecido diario Egin de 1984 a 1998 xunto con Pepe Rei, época na que era director Xabier Salutregi (condenado no caso Ekin pola súa relación co membro de ETA "Txelis").[2] Posteriormente foi director de Euskadi Información e subdirector de Gara, todos eles xornais de liña editorial abertzale, así como locutor da radio Infozazpi. Tamén escribiu varios libros, entre eles unha biografía do dirixente de Herri Batasuna Santi Brouard.[3]
Traxectoria política
[editar | editar a fonte]
O 19 de abril de 2011 Martin Garitano presentouse ás eleccións ás Xuntas Xerais do País Vasco de 2011, como independente dentro da coalición Bildu, formada por Eusko Alkartasuna, Alternatiba e independentes da esquerda abertzale.[4] Nestas eleccións, Bildu conseguiu os mellores resultados xamais logrados pola esquerda independentista vasca e fíxose con 22 dos 51 deputados da cámara provincial.[5]
O 23 de xuño de 2011, Garitano foi investido Deputado Xeral de Guipúscoa con maioría simple, cos votos da súa propia formación e un voto de Aralar.[6]
O 1 de agosto de 2011 sumouse en Azpeitia a un acto a favor dos presos de ETA, reclamando a derrogación da doutrina Parot, o fin da dispersión dos presos e da legalización de Sortu.[7] Tamén recibiu no palacio foral a un grupo de mozos que estaban a ser xulgados pola Audiencia Nacional pola súa presunta pertenza a Segi.[8] O 4 de agosto fixo unhas declaracións nas que afirmaba que "chegará un día en que haberá que reflexionar sobre a dor causada", referíndose ás vítimas de ETA, aínda que opinou que ese momento aínda non chegou.[9]
O 19 de agosto de 2011, durante unha conferencia na Universitat Catalá d'Estiu, fixo unhas manifestacións nas que afirmou que os atentados de ETA en Cataluña foron "máis que un erro" e que "os vascos debemos respecto en especial ás vítimas de Cataluña porque sucedeu nun momento en que a sociedade vasca recibira moito apoio dos cataláns".[10]
O 17 de outubro de 2011, participou na Conferencia Internacional de Paz de San Sebastián, da que a Deputación de Guipúscoa foi unha das organizadoras.
Notas
[editar | editar a fonte]- ↑ EiTB
- ↑ Un pin co número de presidiario de Otegi
- ↑ O Mundo
- ↑ O exsubdirector de 'Gara' Martín Garitano será cabeza de lista de Bildu en Guipúzcoa
- ↑ "Martin Garitano móstrase decidido a gobernar o próximos catro anos". Arquivado dende o orixinal o 07 de setembro de 2011. Consultado o 14 de novembro de 2016.
- ↑ Bildu controla Guipúzcoa tras conseguir o poder da Deputación foral
- ↑ Garitano súmase ás reivindicacións dos presos de ETA
- ↑ Garitano reúnese con mozos xulgados na AN pola súa presunta pertenza a Segi
- ↑ Garitano cre que non chegou o momento de reflexionar sobre a dor causada
- ↑ Garitano afirma que os atentados de ETA en Cataluña foron 'máis que un erro'