Mataharis
| Mataharis | |
|---|---|
| Ficha técnica | |
| Título orixinal | Mataharis |
| Director | Icíar Bollaín |
| Produtor | Santiago García de Leániz, Simón de Santiago |
| Guión | Icíar Bollaín, Tatiana Rodríguez |
| Intérpretes | Najwa Nimri, Tristán Ulloa, María Vázquez, Diego Martín, Nuria González, Antonio de la Torre, Fernando Cayo, Maite De Lucas, Laura Domínguez, Antonio Durán "Morris", Adolfo Fernández, Xoel Fernández, Irene Herranz, Puchi Lagarde, Juanma Lara, Gloria López, Javier Lorenzo, Rosendo Mercado, Manuel Morón, Josu Ormaetxe, Jorge Pérez, Mabel Rivera, Bart Santana, Carlos Santos, Florentino Soria, Marilyn Torres, Aixa Villagrán, Alex Villamayor |
| Música | Lucio Godoy |
| Fotografía | Kiko de la Rica |
| Montaxe | Ángel Hernández Zoido |
| Estrea | 20 de setembro de 2007 |
| Duración | 100 minutos |
| Orixe |  España |
| Xénero | drama, comedia |
| Na rede | |
       | |
Mataharis é unha película española do ano 2007 dirixida por Icíar Bollaín. Unha das súas protagonistas é a actriz galega María Vázquez, e tamén forman parte do elenco de intérpretes Antonio Durán "Morris" ou Mabel Rivera entre outros.
Argumento
[editar | editar a fonte]Inés, Eva e Carmen traballan nunha axencia de detectives en Madrid. Inés (María Vázquez), infiltrada entre os empregados dunha compañía multinacional, investiga a Manuel (Diego Martín), un directivo da empresa. A investigación colócaa ante un dilema ético.
Eva (Najwa Nimri), que acaba de reincorporarse á axencia logo dunha baixa maternal, descobre que a súa parella Iñaki (Tristán Ulloa) lle oculta algo importante. Carmen (Nuria González), a máis experimentada das tres e cun gris matrimonio, observa e grava o naufraxio conxugal de Sergio (Antonio de la Torre). Desde a axencia de Valbuena, para quen traballan, estas tres profesionais da vixilancia traspasan con frecuencia as fronteiras da intimidade allea, pero ninguén lles preparou para enfrontarse ós seus propios segredos.
