Matusa Barros
 (2012)  | |
| Nome orixinal | (gl) Matusa |
|---|---|
| Biografía | |
| Nacemento | Matilde Barros Arias de Castro 27 de marzo de 1954 (70 anos)Vigo, España |
| Educación | Escola de Arte e Superior de Deseño Mestre Mateo |
| Actividade | |
| Ocupación | artista |
| Páxina web | mgoleta2.webcindario.com |
   | |
Matusa Barros Arias de Castro, nada en Vigo o 27 de marzo de 1954[1], é unha artista galega.
Traxectoria
[editar | editar a fonte]Terceira dos sete fillos[2] do médico pediatra Guillermo Barros Cuiñas e de Asunta Arias de Castro Sánchez, profesora de piano no Conservatorio de Música de Vigo. En 1974 deixou a universidade e un traballo permitiulle empezar a viaxar polo mundo. A finais dos 70 volveu aos estudos e graduouse en Artes aplicadas na Escola de Artes Mestre Mateo en Santiago de Compostela. A partir de aí elixiu a súa formación asistindo a cursos e obradoiros. Así, desde a XIII Experiencia de Tecnoloxía e Escola Libre do Seminario de Estudos Cerámicos de Sargadelos (1984), obradoiros de vídeo e televisión da Universidade Internacional Menéndez Pelayo (UIMP) na Coruña (1986-87), de realidade virtual na (QUAM 95) Quincena de Arte de Montesquiu (Barcelona), de artes visuais no Centro Galego de Arte Contemporánea (1997), de cibercultura na UIMP en Santander (1999) e unha serie de cursos de informática entre outros, orientaron o seu interese pola imaxe cara á fotografía, o vídeo, a escultura e o net.art.
En 1984 asistiu ao I Festival Nacional de Vídeo no Círculo de Belas Artes de Madrid que lle descubriu o mundo do vídeo, o seu primeiro traballo escrito[3] publicado este mesmo ano titúlase así. En 1988 recibiu unha bolsa da Consellería de Economía e Industria da Xunta de Galicia que sufragou gran parte da súa primeira cámara e comezou a crear a súa propia videografía.[4] En 1995 a H. Associació per a les Arts Contemporànies outórgalle unha bolsa para a súa estancia en Montesquiu para a Quam e en 1999 a UIMP outórgalle unha bolsa para a súa estancia en Santander. Ao mesmo tempo fixo traballos de xestión no mundo da arte, organizando mostras de vídeo entre outros. En 1990 creou o taller de vídeo experimental Freecauce. Colaborou en prensa e revistas especializadas e autoeditou un libro de poesía en castelán titulado Allí en la sombra[5] (1998), tamén desenvolveu actividade docente.
Participou [6] en festivais de vídeo e exposicións de artes visuais en Galicia, Madrid, Euskadi, Cataluña, Andalucía, Francia, Alemaña, Inglaterra, Estados Unidos de América[7], Portugal[8] e na World Wide Web[9].
Notas
[editar | editar a fonte]- ↑ Barrera, Feliciano, ed. (2002). "Barros Arias-Castro, Matusa". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. p. 59-60. ISBN 84-8064-113-4.
- ↑ Árbol genealógico Familia Barros
- ↑ "Mundo del vídeo", Tintimán. 1984
- ↑ Videografía
- ↑ Allí en la sombra poesía 1998
- ↑ Documentación na Páxina oficial-curriculum
- ↑ MediaNoche 1355 Park Avenue (at East 102nd Street)New York NY 1002
- ↑ Metrópolis "Portas Abertas" RTVE
- ↑ Spill » Forward Online Exhibition
Véxase tamén
[editar | editar a fonte] |
Wikimedia Commons ten máis contidos multimedia na categoría: Matusa Barros  |
Bibliografía
[editar | editar a fonte]- Santos Gayoso, E., ed. (1990). Historia de la prensa gallega, 1800-1986. Ediciós do Castro. p. 853. ISBN 84-7492-489-8.
- A arte inexistente : as artistas galegas do século XX : Auditorio de Galicia, setembro/novembro, 1995. Santiago de Compostela: Auditorio de Galicia. [1995]. ISBN 8488484240. OCLC 431459279.
- Matusa Barros. Creadoras, Diputación de Pontevedra.
- Sobrino Manzanares, María Luísa, ed. (2015). Arte + mulleres : creadoras galegas (PDF). Santiago de Compostela. ISBN 9788492923656. OCLC 945913655. Arquivado dende o orixinal o 26 de outubro de 2020.
- Rueda Alonso, Margarita, ed. (2003). Guía de artistas de Galicia. [Santiago de Compostela]: Xunta de Galicia. ISBN 8445335073. OCLC 62316916.
- Fernández, Angel (25/4/1997). "Mujeres tras la cámara". El Mundo. (require subscrición (?)).
