Maximiliano Comesaña Pérez
| Biografía | |
|---|---|
| Nacemento | 30 de decembro de 1912  Priegue, España |
| Morte | 10 de xaneiro de 1937 (24 anos) Coruxo, España |
| Causa da morte | paseo, ferida por arma de fogo |
| Actividade | |
| Ocupación | pescador |
 | |
Maximiliano Segundo Comesaña Pérez, coñecido como Sapo, nado en Priegue (Nigrán) o 30 de decembro de 1912 e finado en Coruxo o 10 de xaneiro de 1937, foi un político galego.
Traxectoria
[editar | editar a fonte]Fillo de Salvador Comesaña, natural de Coruxo, e de Rosa Pérez Valverde, de Priegue. Gañaba a vida como mariñeiro en Priegue. Co golpe de Estado do 18 de xullo de 1936 fuxiu. O xuíz militar emitiu unha requisitoria para a súa presentación e a de Francisco Misa Aballe, José Misa Rodríguez, Juan Manuel Salgueiro Rial, José Fernández Fernández, Benigno Benavides Álvarez, Victorino Hermida Misa e Enrique Giráldez Piña o 24 de agosto.[1] Volveu ser reclamado polo xuíz militar de Vigo o 7 de novembro con Benigno Benavides Álvarez e José Puentes Méndez.[2] Segundo Carlos Méixome, foi detido e paseado, rexistrado morto en Vigo como Maximino Comesaña Lago, a causa de hemorraxia cerebral por disparo de arma de fogo.[3] O cadáver apareceu no Camiño de Fragoselo a Tintoreira (Coruxo).
Notas
[editar | editar a fonte]- ↑ El Pueblo Gallego, 24-8-1936, p. 2.
- ↑ El Pueblo Gallego, 8-11-1936, p. 3.
- ↑ Maximino “O Sapo”
