Menno Simons

Menno Simons
	;
Biografía
Nacemento	1496 ; Wytmarsum, Países Baixos (pt)
Morte	31 de xaneiro de 1561 (64/65 anos); Bad Oldesloe, Alemaña (pt)
Lugar de sepultura	Bad Oldesloe (pt)
Relixión	Anabaptismo
Actividade
Ocupación	teólogo, sacerdote
Descrito pola fonte	Allgemeine Deutsche Biographie (pt) ; Obálky knih, ; Encyclopædia Britannica

Menno Simons, nado en Wytmarsum en 1496 e fnado en Wüstenfelden o 31 de xaneiro de 1561, foi un líder relixioso anabaptista neerlandés. Simons foi contemporáneo dos reformadores protestantes e os seus seguidores foron coñecidos como menonitas.

"Menno Simons" é a versión neerlandesa do seu nome. A versión frisoa é Minne Simens,^[1] en que o posesivo "s" crea un patronímico que significa "Minne, fillo de Simen".

Traxectoria

Simons naceu en 1496^[2] nunha familia de aldeáns en Wytmarsum, provincia de Frisia (Sacro Imperio Romano Xermánico). O seu pai chamábase Simon e tivo un irmán chamado Pieter.^[3]

Foi destinado polos seus padres ao sacerdocio católico. Foi ordenado sacerdote en 1515 ou 1516^[4] en Utrecht. Sendo párroco da súa aldea natal, separouse da Igrexa católica o 12 de xaneiro de 1536,^[4] para unirse aos anabaptistas pacifistas, despois de estudar con detemento a Biblia e vivir un proceso de afastamento dos dogmas católicos.

En 1537 foi ordenado en Groninga como bispo anabaptista. O seu labor tivo éxito, de xeito que un edicto do emperador Carlos V ofreceu recompensa de 100 moedas de ouro pola súa cabeza e indulto por calquera delito cometido por quen o entregase.

En 1543 foi enviado ao noroeste de Alemaña onde se dedicou os dezaoito últimos anos da súa vida a construír igrexas, ao tempo que proseguía o seu traballo en Frisia.

Estivo en Colonia, Holstein, Prusia e outros lugares, sempre organizando e predicando, acosado polos perseguidores. Aínda que se sabe que estaba casado con Geertruydt e tivo polo menos un fillo e dúas fillas,^[5] as condicións de clandestinidade impediron rexistrar máis detalles da súa vida familiar.

Foi notoria a súa preocupación pola divulgación escrita dos puntos de vista anabaptistas nas diferentes linguas da rexión en que traballaba, para o que, cun impresor identificado só como B.L., estableceu unha imprenta en Lübeck, que debeu trasladar a Oldesloe (Holstein) e posteriormente en 1554 ao próximo refuxio anabaptista en Wüstenfelde, onde falceu o 31 de xaneiro de 1561 e foi sepultado no seu xardín.^[3]

Obras

Van de Geestlijke Verrijsenisse (ca. 1536; "A resurrección espiritual")
De nieuwe Creatuere (ca. 1537; "O novo nacemento")
Christelycke leringhen op den 25. Psalm (ca. 1538; "Meditación sobre o salmo 25")
Why I Do Not Cease Teaching and Writing (1539; "Por que non paro de ensinar e escribir")
Dat Fundament des Christelycken leers (1539–40; "Fundación da doutrina cristiá")^[6]

Notas

↑ Hendrik Twerda, Fan Fryslâns Forline, Bolsward, 1968 (Utjowerij A.J. Osinga), p. 128.
↑ Menno's life. Menno Simons.net. Consultado o 15 de abril de 2009.
↑ ^3,0 ^3,1 Menno Simons (1496-1561). Global Anabaptist Mennonite Encyclopedia Online. Consultado o 20 de abril 2009.
↑ ^4,0 ^4,1 Herbermann, Charles, ed. (1913). "Mennonites". Catholic Encyclopedia (en inglés) (New York: Robert Appleton Company). Consultado o 31 de decembro de 2019.
↑ Geertruydt (16th century). Global Anabaptist Mennonite Encyclopedia Online. Consultado o 26 de outubro de 2012.
↑ Menno's Foundation-Book. Menno Simons.net. Consultado o 15 de abril de 2009.

Véxase tamén

Bibliografía

Krahn, Cornelius and Cornelius J. Dyck. (1989) "Menno Simons (1496-1561)"; Global Anabaptist Mennonite Encyclopedia Online.
Bender, Harold Stauffer & John Horsch (1979) Menno Simons - su vida y sus escritos. Herald Press. ISBN 0836112180 texto completo
Williams, George H. (1983) La reforma radical: 422-434; 524-528, 538. México: Fondo de Cultura Económica. ISBN 968-16-1332-5
Estep, William Roscoe The Anabaptist Story: An Introduction to Sixteenth-Century Anabaptism ISBN 0-8028-0886-7

Ligazóns externas

[1] Hendrik Twerda, Fan Fryslâns Forline, Bolsward, 1968 (Utjowerij A.J. Osinga), p. 128.

[2] Menno's life. Menno Simons.net. Consultado o 15 de abril de 2009.

[gameo-3] 3,0 ^3,1 Menno Simons (1496-1561). Global Anabaptist Mennonite Encyclopedia Online. Consultado o 20 de abril 2009.

[CathEncy-4] 4,0 ^4,1 Herbermann, Charles, ed. (1913). "Mennonites". Catholic Encyclopedia (en inglés) (New York: Robert Appleton Company). Consultado o 31 de decembro de 2019.

[5] Geertruydt (16th century). Global Anabaptist Mennonite Encyclopedia Online. Consultado o 26 de outubro de 2012.

[6] Menno's Foundation-Book. Menno Simons.net. Consultado o 15 de abril de 2009.

[1]

[2]

[3]

[4]

[5]

[6]