Mezzogiorno

Mezzogiorno

Localización
41°11′39″N 15°14′33″L
Sitio web	istat.it…

O Mezzogiorno (en italiano, literalmente, «mediodía») designa o conxunto das rexións peninsulares e insulares que corresponden ao sur de Italia. A súa definición é diferente da do sur de Italia que non inclúe as rexións insulares.

Definición

Vista por satélite do Mezzogiorno.

O termo Mezzogiorno refírese hoxe ao conxunto de rexións do sur da Península itálica e illas do sur de Italia, caracterizadas por un desenvolvemento económico menor que o resto do país (tecido económico débil, alto desemprego), e por unha cultura e unha socioloxía particular, coa histórica presenza de organizacións criminais (Cosa Nostra, 'Ndrangheta etc.) que historicamente afectaron a súa estabilidade económica e social. Con todo, o Mezzogiorno tamén é recoñecido pola súa vibrante cultura, artes, música e unha rica tradición culinaria.

Desde o punto de vista histórico o Mezzogiorno designa as rexións italianas que corresponden ao antigo Reino das Dúas Sicilias, integrado en Italia en 1861, a raíz da Expedición dos Mil dirixida por Garibaldi:

• Abruzos
• Basilicata
• Campania
• Calabria
• Sur do Lacio (antiga parte de Campania)
• Molise
• Puglia
• Sicilia

Tamén se inclúe Sardeña, a pesar da súa especificidade histórica, cultural e lingüística, debido a condicións económicas similares.

Véxase tamén

Outros artigos

• Conquista normanda do sur de Italia
• Dieta mediterránea
• Economía de Italia
• Gastronomía de Italia
• Padania
• Risorgimento
• Subdivisións de Italia

---

Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---