Miguel Tellado

Miguel Tellado
	; (2017)
Nome orixinal	Miguel Ángel Tellado Filgueira
Biografía
Nacemento	21 de febreiro de 1974 (50 anos); Ferrol, España
Voceiro Partido Popular
	30 de novembro de 2023 – ; ← Cuca Gamarra
Deputado no Congreso dos Deputados
	agosto de 2023 – ; Electo en: Eleccións xerais de España de 2023
Presidente Partido Popular de Galicia
	1 de abril de 2022 – 2 de maio de 2022 ; ← Alberto Núñez Feijóo – Alfonso Rueda →
Secretario Xeral Partido Popular de Galicia
	2016 – 2022
Voceiro Partido Popular de Galicia
	2014 – 2016 ; ← Paula Prado del Río
Deputado do Parlamento de Galicia
	13 de novembro de 2012 – 24 de maio de 2022
Datos persoais
Educación	Universidade de Santiago de Compostela
Actividade
Ocupación	político
Empregador	Deputación da Coruña (2007–2009) ; Concello de Ferrol (2003–2007)
Partido político	Partido Popular

Miguel Ángel Tellado Filgueira, nado en Ferrol o 21 de febreiro de 1974, é un político galego, exsecretario xeral do PPdeG.

Traxectoria

Licenciado en Ciencias Políticas e Sociais pola Universidade de Santiago de Compostela. Durante a súa época universitaria militou no Movemento Estudantil Universitario, unha escisión dos Comités Abertos de Facultade impulsada por algúns militantes do BNG, aínda que a primeira edición desta organización tería unha vida efémera.^[1]

Desde 1997 traballou como xornalista en diversos medios de comunicación locais da comarca de Ferrolterra. Foi xefe de prensa do Concello de Ferrol (2003-2007), xefe de prensa do Grupo Popular na Deputación da Coruña (2007-2009), xefe de Gabinete da Consellería de Traballo e Benestar (2009-2011) e xefe de Gabinete da alcaldía de Ferrol tras as eleccións municipais de 2011. Entrou no Parlamento de Galicia en 2012 e, actualmente, é secretario xeral do PPdeG.

Carreira política

Nas Eleccións ao Parlamento de Galicia de 2012 ocupou o número catro da candidatura do PP pola provincia da Coruña. Na súa condición de Deputado Autonómico na IX Lexislatura do Parlamento de Galicia é voceiro do PPdeG en asuntos de emprego. Foi secretario da Comisión 3ª de Economía e Orzamentos e vocal das Comisión 5ª de Sanidade, Política Social e Emprego e da Comisión 6ª de Economía e Industria. Nesta Comisión encargouse dos asuntos relacionados coa comarca de Ferrol, e especialmente do relativo ó sector naval.

O 16 de setembro de 2014 o Comité Executivo do PPdeG designouno, portavoz do partido^[2], cargo no que sucedeu a Paula Prado del Río.

En maio de 2016, no marco do XVI Congreso do PPdeG, Alberto Núñez Feijóo propúxoo para converterse en secretario xeral^[3] da formación sucedendo a Alfonso Rueda Valenzuela como número dous da formación.

Tras as Eleccións ao Parlamento de Galicia de 2016 foi reelixido deputado autonómico. No Grupo Parlamentario Popular da Cámara galega ocupa o cargo de viceportavoz. Ademais é portavoz do PPdeG na Comisión 6ª de Industria, Enerxía, Comercio e Turismo e voceiro do Grupo na área de Industria e Emprego.

En febreiro de 2017 entrou a formar parte do Comité Executivo Nacional do Partido Popular^[4].

Dende o 30 de novembro de 2023 é o voceiro do grupo parlamentario popular no Congreso dos Deputados.

Notas

↑ "Miguel Tellado, a fe dun converso ao servizo de Alberto Núñez Feixoo". 11/11/2020. Consultado o 12/11/2020.
↑ "Miguel Tellado, nuevo portavoz del PPdeG". La Voz de Galicia (en castelán). 2014-09-15. Consultado o 2017-02-21.
↑ "Miguel Tellado será el nuevo secretario xeral del PPdeG". La Voz de Galicia (en castelán). 2016-05-07. Consultado o 2017-02-21.
↑ Press, Europa (2017-02-11). "Tellado entra en el Comité Ejecutivo del PP, en el que se sentarán siete gallegos además de Rajoy". europapress.es (en castelán). Consultado o 2017-02-21.

Véxase tamén

Outros artigos

Ligazóns externas

Ficha no Parlamento de Galicia Arquivado 15 de febreiro de 2017 en Wayback Machine.

[1] "Miguel Tellado, a fe dun converso ao servizo de Alberto Núñez Feixoo". 11/11/2020. Consultado o 12/11/2020.

[2] "Miguel Tellado, nuevo portavoz del PPdeG". La Voz de Galicia (en castelán). 2014-09-15. Consultado o 2017-02-21.

[3] "Miguel Tellado será el nuevo secretario xeral del PPdeG". La Voz de Galicia (en castelán). 2016-05-07. Consultado o 2017-02-21.

[4] Press, Europa (2017-02-11). "Tellado entra en el Comité Ejecutivo del PP, en el que se sentarán siete gallegos además de Rajoy". europapress.es (en castelán). Consultado o 2017-02-21.

[1]

[2]

[3]

[4]