Milstar

Milstar (Military Strategic and Tactical Relay) é unha familia de satélites de comunicacións militares dos Estados Unidos.^[1]

Características

Milstar é unha familia de satélites de comunicacións militares deseñados para proporcionar comunicacións resistentes a interferencias. O programa Milstar está dirixido polo Centro do Espazo e de Mísiles da Forza Aérea dos Estados Unidos. Hai dúas series de satélites dentro da familia Milstar. A estrutura dos satélites das dúas series é similar, cunha forma característica de tres caixas unidas das que sobresaen antenas e os paneis solares. Os satélites Milstar foron sucedidos polos satélites AEHF.^[1]

Milstar 1

Lanzáronse dous Milstar da serie 1 en 1994 e 1995. A carga útil permitía comunicacións seguras e robustas a baixa velocidade e manter conexión entre satélites para non ter que depender de estacións de comunicacións terrestres. Os satélites tiñan unha masa duns 4500 kg e foron lanzados mediante foguetes Titan 4 a órbitas xeoestacionarias.^[2]^[1]

Milstar 2

Os Milstar 2 teñen unha masa e estrutura similar aos Milstar 1, pero amplían as súas capacidades para ofrecer ademais comunicacións a velocidades medias, de ata 1,5 Mbps. Lanzáronse catro Milstar 2, o primeiro deles errado, usando foguetes Titan 4.^[3]^[1]

Historial de lanzamentos

Misión^[1]^[2]^[3]	Data de lanzamento^[1]^[2]^[3]	Foguete lanzador^[1]^[2]^[3]	Notas^[1]^[2]^[3]
Milstar-1 1	7 de febreiro de 1994	Titan 4	Éxito
Milstar-1 2	6 de novembro de 1995	Titan 4	Éxito
Milstar-2 1	30 de abril de 1999	Titan 4	Fallo
Milstar-2 2	27 de febreiro de 2001	Titan 4	Éxito
Milstar-2 3	16 de xaneiro de 2002	Titan 4	Éxito
Milstar-2 4	8 de abril de 2003	Titan 4	Éxito

Notas

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 Mark Wade (2020). "Milstar" (en inglés). Consultado o 20 de setembro de 2020.
↑ ^2,0 ^2,1 ^2,2 ^2,3 ^2,4 Gunter Dirk Krebs (2020). Gunter's Space Page, ed. "Milstar-1 1, 2 (Milstar 1, 2)" (en inglés). Consultado o 20 de setembro de 2020.
↑ ^3,0 ^3,1 ^3,2 ^3,3 ^3,4 Gunter Dirk Krebs (2020). Gunter's Space Page, ed. "Milstar-2 1, 2, 3, 4 (Milstar 3, 4, 5, 6)" (en inglés). Consultado o 20 de setembro de 2020.

Véxase tamén

Outros artigos

Titan 4
AEHF

[astronautix-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 Mark Wade (2020). "Milstar" (en inglés). Consultado o 20 de setembro de 2020.

[gunter1-2] 2,0 ^2,1 ^2,2 ^2,3 ^2,4 Gunter Dirk Krebs (2020). Gunter's Space Page, ed. "Milstar-1 1, 2 (Milstar 1, 2)" (en inglés). Consultado o 20 de setembro de 2020.

[gunter2-3] 3,0 ^3,1 ^3,2 ^3,3 ^3,4 Gunter Dirk Krebs (2020). Gunter's Space Page, ed. "Milstar-2 1, 2, 3, 4 (Milstar 3, 4, 5, 6)" (en inglés). Consultado o 20 de setembro de 2020.

[1]

[2]

[3]