Ministro (goberno)

Ministros de Austria do goberno da chanceler Bierlein escoitan o presidente Van der Bellen en 2019.

Ministro é o membro dun goberno que, baixo a autoridade dun Xefe de Goberno ou dun Primeiro Ministro, exerce a función executiva dun estado nunha área concreta que lle foi encomendada. Ademais fai parte do Consello de ministros, órgano colexiado do Goberno.

A autoridade que teña así como a autonomía da que dispoña no exercicio do seu cargo poden variar segundo a lexislación de cada país

Lexislación española

O posto de ministro está recollido, na lexislación española, sobre todo na Constitución e na Lei do Goberno.

Constitución española

O papel do Goberno e os seus ministros veñen recollidos nos artigos 97 e seguintes da Constitución:

Artigo 97

O Goberno dirixe a política interior e exterior, a Administración civil e militar e a defensa do Estado. Exerce a función executiva e a potestade regulamentaria de acordo coa Constitución e coas leis.

Artigo 98

1. O Goberno componse do presidente, dos vicepresidentes, se é o caso, dos ministros e dos demais membros que estableza a lei.

2. O presidente dirixe a acción do Goberno e coordina as funcións dos demais membros del, sen prexuízo da competencia e responsabilidade

directa destes na súa xestión.

3. Os membros do Goberno non poderán exercer outras funcións representativas cás propias do mandato parlamentario, nin calquera

outra función pública que non derive do seu cargo, nin ningunha actividade profesional ou mercantil.

4. A lei regulará o estatuto e mailas incompatibilidades dos membros do Goberno.

Artigo 100

Os demais membros do Goberno serán nomeados e separados polo Rei, por proposta do seu presidente.

Artigo 101

1. O Goberno cesa trala celebración de eleccións xerais, nos casos de perda de confianza parlamentaria previstos na Constitución ou por dimisión ou morte do seu presidente.

Artigo 102

1. A responsabilidade criminal do presidente e dos demais membros do Goberno será esixible, cando exista, perante a Sala do Penal do Tribunal Supremo.

César Antonio Molina, Ministro de Cultura entre 2007 e 2009.

Reunión do Consello de Ministros de España, 14 de abril de 2008.

Tal como preveía a Constitución, as leis detallaron máis as funcións e status dos ministros.

Lei do Goberno

Na Lei 50/1997, de 27 de novembro, do Goberno, establécense as responsabilidades e funcións dos ministros:

Artigo 4. Dos Ministros.

1. Os Ministros, como titulares dos seus Departamentos, teñen competencia e responsabilidade na esfera específica da súa actuación, e correspóndelles o exercicio das seguintes funciones:

a) Desenvolver a acción do Goberno no ámbito do seu Departamento, de conformidade cos acordos adoptados no Consello dos Ministros ou coas directrices do Presidente do Goberno.

b) Exercer a potestade regulamentaria nas materias propias do seu Departamento.

c) Exercer cantas outras competencias lles atribúan as leis, as normas de organización e funcionamento do Goberno e calquera outras disposicións.

d) Referendar, no seu caso, os actos del Rei en materia da súa competencia.

2. Ademais dos Ministros titulares dun Departamento, poderán existir Ministros sen carteira, aos que se lles atribuirá a responsabilidade de determinadas funcións gobernamentais.

Tradución do orixinal

Véxase tamén

Outros artigos

• Consello de Ministros de España
• Goberno
• Valido

---

Este artigo sobre política é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---