Miriam Couceiro Castro
| Biografía | |
|---|---|
| Nacemento | 10 de maio de 1985  (39 anos)A Coruña, España |
| Educación | Universidade da Coruña |
| Actividade | |
| Ocupación | socióloga |
  | |
Miriam Couceiro Castro, nada na Coruña o 10 de maio de 1985, é unha feminista, socióloga e escritora galega.[1]
Traxectoria
[editar | editar a fonte]Pasou a súa infancia e adolescencia en Ordes. Estudou Socioloxía na Universidade da Coruña cun Mestrado en Técnicas de Investigación Social e o Doutoramento en Equidade e Innovación Educativa coa tese A Representación do Feminismo no Pensamento e Práctica da Acción Docente das Profesoras de Secundaria en Galicia (2019)[2] coa que acadou un Sobresaínte Cum Laude.
Comezou o seu activismo feminista no Observatorio de Igualdade e na Plataforma Feminista Galega, para despois seguir a corrente do Feminismo Radical. Dende 2015 participa en coloquios e conferencias sobre activismo feminista e a situación das mulleres galegas.[3]
Como escritora, arranca a súa traxectoria literaria como autora de ensaio, influída polas historias de vida, os métodos de investigación social cualitativos e o feminismo. Na actualidade céntrase en proxectos vinculados co relato e a novela, con forte influencia do feminismo radical, da mística do cotián e do xeito en que as mulleres articulan a vida.
Coruñesa de adopción, busca escenarios literarios en lugares como os taxis, as paradas de bus, os trens, os avións e os tanatorios.
Obras
[editar | editar a fonte]Ensaio
[editar | editar a fonte]- A Galiza Feminista: Tebras e Alboradas (2021). Vigo: Galaxia. 116 páxs. ISBN 978-84-9151-625-5.
Novela
[editar | editar a fonte]- De óxido e diamantes (2024). Vigo: Galaxia. 136 páxs. ISBN 978-84-1176-334-9.[4]
Libros colectivos
[editar | editar a fonte]- Tes cinco minutos #1 (2024). Vigo: Galaxia. 130 páxs. ISBN 978-84-9151-607-1. Relato "O Poder da Palabra" de 2020.
- O libro da Rosa (2022). Vigo: Galaxia. 156 páxs. ISBN: 978-84-9151-854-9. Relato "Olimpia, princesa de Santo Amaro".
Premios
[editar | editar a fonte]- 2013: I Premio de Traballos Académicos con Perspectiva de Xénero Ángeles Alvariño co seu traballo O Feminismo en Galiza: Rural e Urbano
- 2020: I Premio do Concurso de Microrrelatos do Concello de Sada.
Notas
[editar | editar a fonte]- ↑ "Couceiro Castro, Miriam". Editorial Galaxia. Consultado o 2024-10-17.
- ↑ "Miriam Couceiro Castro". aelg.gal. Consultado o 17 de outubro de 2024.
- ↑ Lecturafilia (2021-12-27). "Cuestionario Proust: Miriam Couceiro Castro, escritora e socióloga". Lecturafilia (en castelán). Consultado o 2024-10-17.
- ↑ "De óxido e diamantes". Editorial Galaxia. Consultado o 2024-10-17.
