Moondogs Blues Party
| Moondogs Blues Party | |
|---|---|
| Orixe | A Coruña,  Galicia |
| Período | 2006-2016 |
| Xénero(s) | Blues, folk americano, soul e psicodelia |
| Selo(s) discográfico(s) | Gaztelupeko Hotsak |
| Membros | Javier Prado, Javi Campello, Iria Novo, Javier "Pera", Alicia Valle, Mateo Naval, Marcos Maoxu, Adrián Lage, Kevin Traba, Fernando Raño, Ismael Carnero. |
| Na rede | |
| http://www.moondogsbluesparty.com/ | |
Moondogs Blues Party é un grupo musical galego de blues, folk americano, soul e psicodelia. Formouse na Coruña en 2006 e disolveuse en 2016.
Traxectoria
[editar | editar a fonte] | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
A banda foi creada polo músico coruñés Javier Prado, partindo da gravación do disco O Cadelo Lunático que el mesmo autoeditou durante o ano 2006 cunha licenza Creative Commons e que sairía a luz no ano 2007 coa netlabel galega A Regueifa.
No ano 2007 o disco O Cadelo Lunático gaña o premio TALENTOS 2007 do xornal ELPAÍS ao mellor disco non p`rofesional do ano. Durante o 2008 o grupo embárcase na súa "Xira Lunática 2008" que lle leva a presentar o disco por toda Galicia e Portugal. Mentres O Cadelo Lunático segue o seu camiño e vai directamente a Cannes a participar no MIDEM 2008, chegando tamén ao Canadá a través da distribuidora Kerf Music. Ademais ese mesmo ano o produtor norteamericano Kris Kaczor pídelles o tema Walking night in Mississippi para un DVD documental do Instituto de Historia de América sobre a escravitude.
En 2008 tamén clasifícase para ás semifinais do International Songwriting Competition en Nashville entre máis de 15.000 artistas de todo o mundo e contando con Tom Waits e John Mayall no xurado.
No ano 2011 gravan Thirty Roads en Abrigueiro Estudios xunto ao produtor Arturo Vaquero e Jahel Piñeiro, disco que sairá co selo discográfico vasco Gaztelupeko Hotsak.
No ano 2013 volven a gravar neste caso o EP Through the darkness of the forest, nos Litium Estudios con Rafa Darrosa.
Compoñentes do grupo
[editar | editar a fonte]- Javier Prado - cantante e guitarra
- Javi Campello - cantante e guitarra
- Iria Novo - baixo
- Mateo Naval - trombón
- Marcos Maoxu - teclado
- Kevin Traba - batería
- Javier "Pera" - batería e percusión
- Alicia Valle - frauta traveseira
- Adrián Lage - trompeta e fliscorno
- Fernando Raño - trombón
- Ismael Nongrato - baixo
Discografía
[editar | editar a fonte]- O Cadelo Lunático, (2006, Autoeditado)
- Thirty Roads, (2011, Gaztelupeko Hotsak)
- Through the darkness of the forest, (2013, Gaztelupeko Hotsak)
