Museo Etnolóxico de Ribadavia

Museo Etnolóxico de Ribadavia
Coordenadas	42°17′19″N 8°08′32″O / 42.288481, -8.142259
País	España
Cidade	Ribadavia
Tipo	Etnográfico
Na rede
	https://museoetnoloxicoribadavia.xunta.gal/gl e http://museoetnoloxicoribadavia.blogspot.com.es
	[ editar datos en Wikidata ]
	v; c; e;

O Museo Etnolóxico de Ribadavia, de titularidade estatal e xestión transferida á Xunta de Galicia, primeiramente funcionou como sección do Museo Arqueolóxico Provincial de Ourense. Foi concibido por Manuel Chamoso Lamas.^[1]^[2]^[3]

Descrición

Situado no Pazo de Baamonde ou Casa da Fundación Martín Vázquez,^[4] conta cos fondos Jesús Sánchez Orriols Chucho, Rubén García Álvarez e Meruéndano. Reúne importantes coleccións etnográficas de distintas zonas da Provincia de Ourense, desde finais do século XIX ata os nosos días, como cerámica, útiles de oficios tradicionais, apeiros de labranza, artes de pesca fluvial etc. Mención á parte merece a colección de obxectos relacionados co viño e a vide, produción característica da Comarca do Ribeiro. Destaca tamén a biblioteca especializada en antropoloxía e etnografía e unha abundante documentación sobre tradicións orais, así como un fondo que supera as 350.000 imaxes fotográficas^[5] e material documental sobre o teatro galego, incluído un fondo procedente da Asociación Cultural Abrente.

Comercio de Ramón Nogueira, ca. 1900, fotógrafo Serafín Rodríguez Rodríguez (1883-1907).
Máquina de coser Singer.
Tear.
Guillotina de taller de encadernación.

↑ Erro no código da cita: Etiqueta <ref> non válida; non se forneceu texto para as referencias de nome DEGU
↑ Erro no código da cita: Etiqueta <ref> non válida; non se forneceu texto para as referencias de nome EGU
↑ Museo Etnolóxico de Ribadavia Arquivado 28 de outubro de 2016 en Wayback Machine. en Turgalicia.
↑ "Historia". Arquivado dende o orixinal o 03 de marzo de 2017. Consultado o 06 de setembro de 2018.
↑ "Arquivo fotográfico". Arquivado dende o orixinal o 03 de marzo de 2017. Consultado o 06 de setembro de 2018.