Muutos.art

Muutos.art
Entrada á exposición.
País	Finlandia
Cidade	Tampere
Tipo	Arte
Administrador	Upeart
Inauguración	2024
Visitantes	+20 000
Na rede
https://www.muutos.art
[ editar datos en Wikidata ]

O Muutos.art foi un centro expositivo aberto en Tampere (Finlandia) entre o 14 de xuño e o 31 de agosto de 2024. No centro expuxéronse máis de 50 obras de arte espaciais de case medio centenar de artistas, parellas de artistas e grupos de traballo. Ademais da exposición principal nos dous andares superiores do inmoble, houbo varias exposicións temporais ao longo do verán en dúas pequenas galerías da planta baixa.

A exposición tivo lugar nun edificio finalizado en 1997 e en boas condicións, que foi demolido logo da exposición ao non ter atopado un novo inquilino, este feito creou un debate sobre o modelo urbanístico e a necesidade de crear un desenvolvemento urbano máis sostible.

Localización

O edificio no que tivo lugar a exposición no número 11 da rúa Voimakatu.

O Muutos.art-taidetalo ocupaba un edificio de oficinas construído na década de 1990 e localizado no número 11 da rúa Voimakatu, ao carón do Estadio de Tampere, no barrio de Ratina, no centro da cidade de Tampere.

O edificio, que se completou en 1997, acolleu as oficinas de Tampereen Sähkölaitos, se ben a última empresa que desenvolveu a súa actividade no edificio foi Tampereen seudun keskuspuhdistamo Oy. Ademais apareceu nas pantallas de televisión como a comisaría de Sori na serie Koskinen.

Logo da exposición o inmoble será demolido para construír edificios residenciais de entre seis e dez andares con apartamentos para aproximadamente 400 persoas.

A súa localización céntrica o facía facilmente accesible, podendo chegar empregando a liña 3 do tranvía de Tampere ata a estación Sorin aukio e camiñando uns 10 minutos. A estación de autobuses de Tampere, situada tamén preto do centro expositivo, facía tamén accesible a exposición en autobús. Pola súa banda, o aparcadoiro de pago do centro comercial Ratina podía ser empregado polas persoas que acudiran en coche, a través do paso subterráneo peonil que cruza a vía Tampereen valtatie.

Descrición

Vista xeral dos graffiti da parte traseira do edificio.

A exposición contaba con máis de 50 obras de arte espaciais, así como de dúas pequenas galerías, e graffiti nas súas fachadas. O edificio contaba tamén cunha cafetería, LaPresso, na planta baixa.

A galería do vestíbulo e a da cafetería, ambas situadas na planta baixa, eran de acceso gratuíto, mentres que o primeiro e o segundo andar, eran de pago a un prezo de 12 euros as persoas adultas e 8 euros as persoas entre 7 e os 17 anos, sendo de balde para as persoas menores de 7 anos.

Artistas

A selección de artistas para a exposición levouse a cabo durante a primavera de 2024, entre o 7 e o 29 de marzo. As persoas seleccionadas debían ser maiores de 18 anos e residir e traballar de xeito permanente en Finlandia en diversos campos da arte. No edificio pondíanse ver as obras de case medio centenar de artistas, parellas de artistas e grupos de traballo. A exposición estivo formada por obras das seguintes artistas:

• 3.10 ja Jukka Hakanen
• Ainu Palmu
• Alexander Salvesen
• Arttu Nieminen
• Eeva Karhu & Jesse Törmikoski
• Elisa Hillgén
• Emc x Sarri
• Graffiti Professors: Kap + Help
• Hanna Postma
• Harri Lundelin
• Henrietta Soininen e Usva Torkki
• Henrik Härkönen
• Jan Anderzén
• Juan Kasari
• Juha Lahtinen
• Jussi TwoSeven
• Kaisu Koivisto
• Katja Luoto
• Laura e Veikko Sariola
• Leena Lehti
• LL-työryhmä
• Mammu Rauhala
• Marja Kolu
• Mielen ry Luova paja
• Mikko Paakkonen
• Nino No
• NORNAT-kollektiivi
• Petra Martinez & Inka Wallgren
• Petra Vehviläinen
• Raija Marttinen
• Säde Numminen
• Samppa Saarivirta
• Samuli Parkkinen
• Sanna Juujärvi-Bremer
• Sanni Saari
• Sirja Moberg
• Sonja Salomäki
• Teemu Kiiskilä
• Teemu Mäenpää
• Toisaalta
• Tulkoon valo -installaatio
• Tuomas Lammi (Pimeääni)
• Ulla Phillips e Jenni Valtakari
• VHS-klubi
• Viivi Kiiskinen
• Virta ja Ilmastokriisin etulinjassa -hanke
• Yu-Hsuan Yao

Galerías

Durante os meses que o centro estivo aberto as dúas galerías da planta baixa, denominadas "Aulagalleria" (galería do vestíbulo) e "Kahvilagalleria" (galería da cafetería), acolleron sete mostras temporais de xeito gratuíto:

Artista(s)	Título da exposición	Inicio	Fin	Galería	Notas
Lars Holmström, Terhi Hursti, Jonne Kauko e Saara Sillanpää	Rakenteet	14 de xuño	14 de xullo	Kahvilagalleria
	Kiova – Euroopan särkymätön sydän	14 de xuño	7 de xullo	Aulagalleria
Zeynep Kaynar	The SAPP – (Sleeping: A Performative Process)	11 de xullo	31 de xullo	Aulagalleria
Anna-Kaisa Haanaho, Kirsi Jokelainen, Johannes Kangas, Satu Kiuru, Riitta Kopra e Minttu Saarinen		18 de xullo	11 de agosto	Kahvilagalleria
Jukka Peltosaari	Päästä	2 de agosto	31 de agoto	Aulagalleria
Laura Laurila e Kaisa Soini	Puutarhasta rakennustyömaalle	15 de agosto	1 de setembro	Kahvilagalleria
Tuija Ihanta	Taivaan puutarhat	15 de agosto	1 de setembro	Kahvilagalleria

Notas

Referencias

Véxase tamén

Ligazóns externas

• Sitio web de Muutos.art (en finés) (en inglés)
• Sitio web de Upeart (en finés)