Néstor o Cronista

hierodiácono ^(pt)
Néstor o Cronista
	;
Nome orixinal	(cu) Нестор Летописец
Biografía
Nacemento	c. 1056 ; Kíiv, Ucraína
Morte	1114 (57/58 anos); Kíiv, Ucraína
Lugar de sepultura	Mosteiro das Covas de Kíiv
Relixión	Cristianismo ortodoxo
Actividade
Ocupación	escritor, monxe, haxiógrafo, historiador, cronista
Enaltecemento
	venerable ;
Obra
	Obras destacables (século XII) Crónica de Néstor ;
Descrito pola fonte	Nordisk familjebok; Pequeno Dicionario Enciclopédico de Brockhaus e Efron; Dicionario Biográfico Ruso

Néstor o Cronista, nado en Kíiv en 1050 e finado na mesma cidade en 1114,^[1] foi un monxe dun mosteiro de Kíiv ao que se lle atribúe unha das primeiras Crónicas dos Eslavos do Leste, ou Crónica de Néstor. É, ademais, o autor da Vida de Teodosio e das Vidas de Borís e Gleb, nos anos 1080, con motivo do traslado das reliquias destes santos a Vishgorod, no ano 1072.^[1]

Da súa vida só se sabe que se lle encargou recuperar as reliquias de San Teodosio (misión na que tivo éxito).^[1] Especúlase que ademais apoiaba ao príncipe Sviatopolk II e ao seu partido proescandinavo, mentres que non lle gustaba a influencia grega en Kíiv.

A súa crónica comeza co diluvio universal, e mostra que coñecía moi ben a outros historiadores bizantinos, como Xoán Malalas e Xurxo o Monxe. Na súa crónica mestúranse tamén moitas lendas e, probabelmente, inclúe fragmentos de antigos poemas épicos que se perderon.

Aínda que como testemuña presencial só puido escribir acerca dos reinados de Vsélovod I e Sviatopolk II (1078-1112), puido utilizar as testemuñas doutras persoas (como Giurata Rógovich de Nóvgorod e o nobre Ian Vishátich) para escribir doutras épocas e rexións. Moitos dos detalles etnolóxicos mencionados por Néstor son de grande importancia para os estudos actuais.

A opinión moderna é que a Crónica de Néstor é unha mestura de distintos autores, e que se lle atribúe a el ben sexa porque escribiu a maior parte ou porque recompilou os fragmentos.