NO$GBA
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde marzo de 2016.) |
| NO$GBA | |
|---|---|
| Desenvolvedor(es) | Martin Korth |
| Última versión | 2.6a (23 de xaneiro do 2008) |
| Sistema operativo | MS-DOS, Windows |
| Tipo | Emulador |
| Sitio web | nocash.emubase.de/gba |
NO$GBA (Nocash Game Boy Advance) é un emulador de Game Boy Advance e de Nintendo DS para Microsoft Windows e MS-DOS. Soporta a maioría de Nintendo DS homebrews e ROMs comerciais. NO$GBA inclúe unha variedade de opcións para a emulación, entre elas moitas formas de gardar, e ler varios cartuchos. É capaz de cargar múltiples GBA / NDS arquivos ROM co fin de funcións multixogador.
Historia
[editar | editar a fonte]Martin Korth empezou programando un emulador de Game Boy para DOS en 1997, chamado no$gmb. Foi escrito ó completo en x86 ASM e funcionou incluso en máquinas AT/XT. Este programa foi mellorado co soporte de Game Boy Color en 1999, esta capacidade requiriu que o usuario doase diñeiro, aproximadamente 10$, para que o autor dese unha clave que permitise usar as "funcións de color" durante máis de 5 minutos. Desde que a protección foi crackeada non moito despois do lanzamento, o autor suspendeu o programa traLa versión 2.5. Unha versión especial para Windows estivo dispoñible a partir da 2.4.
En 2001 Martin Korth empezou un novo emulador para a Game Boy Advance. O emulador tivo a mesma interface de debug que o no$gmb (e outros emuladores baixo a etiqueta "no$") e foi lanzado para DOS e Windows en 2002. O soporte para a Nintendo DS foi engadido na versión 2.2 en 2006. Para evitar problemas de piratería, o autor creou unha versión gratuíta sen a interface de debug para o uso público. A versión de debug básica está dispoñible por 15$, dirixido ós desenvolvedores caseiros.
Recentemente o autor empezou a pedir unha pequena doazón de 2.5$ para que os usuarios poidan obter a versión máis recente, que é a que ven despois da versión gratuíta. A versión 2.6 está aínda dispoñible para descargar de balde.
Limitacións
[editar | editar a fonte]O emulador é considerado un dos mellores emuladores de NDS e GBA, porén, ten algúns problemas de compatibilidade. Estes inclúen o feito de que o emulador é bastante intensivo na CPU para executar con pleno soporte 3D, algúns xogos, como o Megaman ZX e o Duck Amuck non funcionan debido a problemas cos codecs de vídeo, e as funcións multixogador poden non funcionar en xogos comerciais, e actualmente non se coñece soporte para a conexión WIFI de Nintendo ou o uso de xogos de GBA na segunda rañura durante a emulación dunha ROM de NDS.