Negreiros, Silleda

Negreiros
Igrexa de San Martiño de Negreiros.
Concello	Silleda
Provincia	Pontevedra
Coordenadas	42°43′12″N 8°16′02″O
Poboación	203 hab. (2001)
Entidades de poboación	10
[ editar datos en Wikidata ]

San Martiño de Negreiros é unha parroquia que se localiza no concello de Silleda. Segundo o padrón municipal de 2011 tiña 203 habitantes (103 homes e 100 mulleres), distribuídos en 10 entidades de poboación, o que supón unha diminución en relación ao ano 1999 cando tiña 212 habitantes.

Historia e patrimonio

Esta parroquia xa aparece citada nun documento do ano 878. Da igrexa parroquial destaca o campanario, así como o seu interior, que conserva elementos do románico.

Destaca tamén a chamada casa de don Darío, que debe o seu nome ao médico Darío López. Conta cunha capela, que tras o paso da vía do ferrocarril Santiago-Ourense, quedou separada do resto do complexo, polo cal lles foi construído un paso elevado para comunicar ambas partes. Outro elemento do patrimonio esta parroquia é a Ponte da Pedra, construción medieval situada sobre o río Toxa, que baña Negreiros, e por onde cruza cara a veciña parroquia de Chapa, seguindo o trazado da Vía da Prata.

Nesta parroquia naceu José Fernández Viéitez, alcalde de Silleda polo PP entre 1999 e 2007.

Galería de imaxes

Artigo principal: Galería de imaxes de Negreiros, Silleda.

• 
  Fiestra na igrexa de Negreiros.
• 
  Igrexa e cruceiro de Negreiros.
• 
  Fonte.

Véxase tamén

Outros artigos

• Lugares de Silleda

Ligazóns externas

• Ficha de Negreiros na web municipal de turismo