Manduas, Silleda

Manduas
	Igrexa de San Tirso de Manduas.
Concello	Silleda
Provincia	Pontevedra
Coordenadas	42°44′13″N 8°16′25″O / 42.73697816, -8.27348376
Poboación	1127 hab. (2023)
Entidades de poboación	17
	[ editar datos en Wikidata ]

Para outras páxinas con títulos homónimos véxase: Manduas.

San Tirso de Manduas é unha parroquia que se localiza no concello de Silleda. Segundo o padrón municipal de 2014 tiña 1006 habitantes (498 homes e 508), 89 máis ca en 1999. Segundo o IGE,^[2] en 2023 tiña 1127 habitantes (563 homes e 564 mulleres). Ten 16 entidades de poboación.

Topónimo

Segundo o filólogo Joseph-Maria Piel o topónimo procede do latín AMANDOLA ("améndoa"), que derivou a Mándolas durante o período suevo (século VI)^[3].

Historia e patrimonio

A súa igrexa parroquial foi reconstruída na década de 1930, mantendo a porta románica da orixinal. Ten a portada cara ao leste. Hai tres cruceiros no camposanto, no campo da feira e no lugar de Quintela.

A Casa da Viña, onde naceu en 1914 o político e escritor Ramón de Valenzuela, é un pazo con escudo con armas dos Gil, Taboada e Luaces, e león coroado dos Valenzuela e capela dedicada a San Antón. Tamén nesta parroquia naceron o gaiteiro Manuel Dopazo Gontade, o tenor José Vales Mahía, o mestre Víctor Fraiz Villanueva, os alcaldes de Silleda Casimiro Fernández Otero e Manuel Cuíña Fernández e o compositor Sergio Rodríguez Pena.

Destaca o núcleo da Bandeira, nacido ao pé do camiño real a Santiago de Compostela. O seu nome provén do estandarte ou bandeira que tiña unha casa forte no lugar do Fortín e arredor da cal se comezou a celebrar unha feira, que actualmente ten lugar os días 14 e 29 de cada mes.

En 1909 fundouse en Bos Aires a Sociedad Pro-Escuelas en Bandeira, que construíu a antiga escola, hoxe convertida no Centro Cultural Vista Alegre. En 1982, neste lugar fundouse a Banda Recreativa e Cultural de Bandeira.

Festas

Na vila da Bandeira celébrase a festa da empanada da Bandeira.

Galería de imaxes

Portada da igrexa de Manduas.
Capitel dereito na portada da igrexa.
Capitel esquerdo na portada da igrexa.
Relevos á dereita da portada da igrexa.
Relevos á esquerda da portada da igrexa.

Notas

↑ ^1,0 ^1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
↑ "Instituto Galego de Estatística, consulta do nomenclátor". Xunta de Galicia.
↑ Piel, J.-M. (1975). "Mánduas: um problema de toponimia histórica galega". Grial (48): 227–230.

Lugares e parroquias

Lugares de Manduas

Lugares da parroquia de Manduas no concello de Silleda (Pontevedra)
Andamollo \| A Bandeira \| Bravil \| A Calzada \| O Castro \| Crestelle \| A Devesa \| Ferrozos \| Letros \| Lourás \| Medelo \| A Moa \| Outeiro \| Quintela \| San Tirso \| Vilaverde \| A Viña

Parroquias de Silleda

Galicia | Provincia de Pontevedra | Parroquias de Silleda

Véxase tamén

Outros artigos

Lugares de Silleda

Ligazóns externas

Ficha de Manduas na web municipal de turismo

[nomenclátor-1] 1,0 ^1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.

[2] "Instituto Galego de Estatística, consulta do nomenclátor". Xunta de Galicia.

[3] Piel, J.-M. (1975). "Mánduas: um problema de toponimia histórica galega". Grial (48): 227–230.

[1]

[2]

[3]