Nerea Luis Mingueza
| Biografía | |
|---|---|
| Nacemento | 1991  (32/33 anos)Madrid, España |
| Educación | Universidade Carlos III de Madrid |
| Actividade | |
| Ocupación | informática teórica, divulgadora científica, enxeñeira informática |
| Empregador | Universidade Carlos III de Madrid (2014–) |
Nerea Luís Mingueza, nada en Madrid en 1991, é unha enxeñeira informática española, especializada en enxeñaría artificial e cofundadora de T3chFes.
Traxectoria
[editar | editar a fonte]De nena construía coa súa irmá ordenadores de papel. Personalizábanos con adhesivos e metían algodón debaixo das teclas para conseguir un efecto abrandado. Imitaban a Sailor Mercury, o seu personaxe favorito da serie de manga Sailor Moon: unha guerreira cun mini-ordenador coa que Luís, aínda hoxe, sente identificada. O verán antes de entrar ao instituto creou a súa propia páxina de Sailor Moon, que mantivo durante catro anos.[1][2]
Os seus ámbitos de interese tecnolóxico son a realidade virtual, a intelixencia artificial e a robótica.[3] Graduouse en Enxeñaría Informática. Algún dos seus recordos da súa etapa universitaria, é que neses primeiros días de clase eran poucas mozas. Xa nos últimos anos notábase aínda máis, e na especialización da rama tecnoloxía eran menos, igual só tres en clase. O que fixo foi non só ir ás clases ou facer as prácticas, senón que viviu o estilo de vida universitaria dentro da delegación de estudantes, onde estaba en contacto con moitos profesores, coas ideas de meter novos graos que ían moi afíns ás liñas tecnolóxicas. A universidade foi unha contorna no que aprendeu a moverme.[2] Tamén realizou un Mestrado en Ciencia e Tecnoloxía Informática. É doutora en Intelixencia Artificial na Universidade Carlos III de Madrid.[4] Obtivo unha bolsa para acudir á Grace Hopper Conference nos Estados Unidos e iso foi o que a uniu completamente ao movemento Women in Tech.[5]
Traxectoria profesional
[editar | editar a fonte]En 2013 foi cofundadora do evento gratuíto de ciencia e tecnoloxía T3chFest.[1] En 2014 formou parte da ANECA. De 2014 a 2018, impartiu clases de Programación no Grao de Enxeñaría Informática bilingüe, da Universidade Carlos III, así como de Intelixencia Artificial en videoxogos.[6] En 2017, uniuse á Fundación COTEC como experta en tecnoloxía, talento e xénero. Ese mesmo ano tamén se uniu á iniciativa Ciencia no Parlamento como vogal de Loxística e Eventos.[7]
Traballa como enxeñeira na empresa Sngular. En 2020 traballou como profesora da Escola de Organización Industrial de Madrid.[8] Ese mesmo ano foi profesora na Universidade de Nebrija na materia Human Robot Colaboration. En 2020 participou na presentación do Plan de Choque para a Ciencia e a Innovación do Goberno, celebrado na Moncloa.[1] Desde 2021 é profesora en Razoamento e Planificación Automática na Universidade Internacional da Rioxa.[5]
Non hai que ter medo á intelixencia artificial, hai que preocuparse por quen son os que deseñan, executan e lexislan estes sistemas.[9]
Premios e recoñecementos
[editar | editar a fonte]- Premio Google Women Techmakers Scholarship na categoría Europea, Oriente Medio e África, en 2016.[5][1]
- Nomeada nas Top 100 mulleres líderes, en 2018.[5]
- Recoñecemento Innovadoras TIC pola Fundación Cibervoluntarios, en 2018.[10]
- Condecoración da Orde do Mérito Civil, en 2019.[5]
Notas
[editar | editar a fonte]- ↑ 1,0 1,1 1,2 1,3 Rubio, Isabel (2020-08-06). "Nerea Luis, de fan del manga a doctora en inteligencia artificial" (en castelán). Consultado o 2022-01-13.
- ↑ 2,0 2,1 Conseguir que los mercados trabajen para las poblaciones afectadas por el hambre y la pobreza. Routledge. 2009-12-01. pp. 139–162. ISBN 978-1-84977-445-1. Consultado o 2022-09-11.
- ↑ "Inicio - Nerea Luis Mingueza" (en castelán). Consultado o 2022-01-13.
- ↑ Zarzalejos, Ana (2020-02-29). "La IA puede mejorar la calidad de vida de todos a pesar de los retos que plantea, según esta ingeniera referente en España" (en castelán). Consultado o 2022-01-13.
- ↑ 5,0 5,1 5,2 5,3 5,4 "Nerea Luis Mingueza recibe la Condecoración de la Orden del Mérito Civil | UC3M" (en castelán). Consultado o 2022-01-12.
- ↑ "Nerea Luis Mingueza | Profesores UNIR" (en castelán). Consultado o 2022-01-13.
- ↑ "Equipo | Ciencia en el parlamento" (en castelán). Consultado o 2022-01-14.
- ↑ "Nerea Luis Mingueza".
- ↑ "Next Media | Nerea Luis: “La inteligencia artificial es capaz de especializarse y ser más objetiva que los humanos”" (en castelán). 2019-03-25. Consultado o 2022-01-13.
- ↑ Gil, Lydia (2019-11-13). "Nerea Luis, ingeniera informática | #MujeresDivulgadoras 3ª ed." (en castelán). Consultado o 2022-01-13.
