Nermi Uygur
| Biografía | |
|---|---|
| Nacemento | 15 de xaneiro de 1925  Istambul, Turquía |
| Morte | 21 de febreiro de 2005 (80 anos) Istambul, Turquía |
| Lugar de sepultura | Cemitério Zincirlikuyu (pt)  |
| Datos persoais | |
| País de nacionalidade | Turquía |
| Educación | Liceu de Galatasaray (pt) |
| Actividade | |
| Ocupación | autor |
| Lingua | Lingua turca |
Premios
| |
Nermi Uygur, nado en Istambul en 1925 e finado nesa mesma cidade o 21 de febreiro de 2005, foi un filósofo e escritor turco. É considerado o maior representante do pensamento filosófico do período republicano turco, cun discurso centrado no ser humano como pivote da súa ontoloxía.[1]
Traxectoria
[editar | editar a fonte]Comezou a escola primaria no distrito de Pendik, Istambul, e terminouna na escola primaria de Büyükada. Graduouse no Departamento de Latín da Escola Secundaria de Galatasaray en 1944. Licenciouse no Departamento de Filosofía da Facultade de Letras da Universidade de Istambul (1948). Tratou analiticamente a Nietzsche na súa tese de graduación “Friedrich Nietzsche's Philosophy of Life” (A filosofía vital de Friedrich Nietzsche). Traballou como axudante no mesmo departamento (1950). Doutorouse en 1952, coa súa tese “Conexións científicas creadas a partir de ciencias morais dende un punto de vista subxectivo segundo Wilhelm Dilthey“), que estaba relacionada cos fundamentos da lóxica e do coñecemento das ciencias históricas sociais sen ningunha abstracción do ser humano.
Recibiu a bolsa Alexander von Humboldt e estudou durante dous anos na Universidade de Colonia e na Universidade de Bonn. Máis tarde na Universidade de Frankfurt repasou os seus estudos de doutoramento e converteuse en profesor asociado. Cando volveu a Turquía, comezou a traballar como profesor asociado de historia da filosofía. En 1954, converteuse en profesor asociado na Universidade de Istambul, Facultade de Literatura, Departamento de Filosofía, coa súa tese "O problema do "eu" e do outro en Edmund Husserl" que preparou a partir das notas manuscritas de Husserl na Universidade de Colonia e o Arquivo Husserl da Universidade de Vervier en Bélxica.
Recorreu á literatura co pensamento de que "Se un filósofo traballa como un ensaísta, conseguirá o éxito". Comezando por 'O poder da lingua' en 1962. A partir dos anos 60 os seus escritos publicáronse no estranxeiro e deuse a coñecer.
Deu conferencias centradas na lóxica, a linguaxe, a arte e a filosofía da cultura na Universidade de Wuppertal en Alemaña.
Despois da súa xubilación en 1992, comezou a impartir cursos de Historia da Filosofía na Facultade de Belas Artes da Universidade de Marmara. En 2002, a súa relación coa universidade foi rematada de novo polo YÖK, o Consello da Educación turco.
Nermi Uygur, que tamén foi membro do PEN (World Writers Union), da Asociación da Lingua Turca e da Asociación Turca de Física, foi un dos primeiros membros do Club de Montañismo e foi considerado o pioneiro do enfoque ensaísta en filosofía.
Ademais do turco, Nermi Uygur tamén ten obras en alemán, inglés e francés.
Uygur é un filósofo citado en estudos modernos sobre lóxica e filosofía da información:
O meu principal obxectivo é o de escrutar a estrutura típica da xenuína pregunta filosófica ignorando as posíbeis vías de investigación que poida abrir. A miña preocupación mestra é a de describir só as características salientables dunha pregunta filosófica. Vexo a miña tarefa en demostrar que contén tal pregunta: quero botar luz o que se pregunta nela, intentando apuntar, o máis correctamente posíbel, a forma básica dunha correcta pregunta filosófica[2]
Notas
[editar | editar a fonte]- ↑ "Nermi Uygur (1925-2005)". ebsco (en inglés). Consultado o 2024-01-08.
- ↑ Floridi, Luciano (2019). Oxford, ed. The Logic of Information. pp. 5–. ISBN 978-0-19-883363-5.
