Nikolai Severtzov

Nikolai Severtzov
Nome orixinal	Николáй Алексе́евич Се́верцов (Nikolai Alekséievich Sévertsov)
Biografía
Nacemento	5 de novembro de 1827; Gobernación de Vóronej
Morte	8 de febreiro de 1885; Río Don
Causa da morte	afogamento
País de nacionalidade	Rusa
Educación	Universidade de Moscova
Director de tese	Karl Frantsevich Rouillier (en)
Actividade
Campo de traballo	Zooloxía, zoogeografia (pt) , Ornitoloxía, botánica, Etnografía e xeoloxía
Ocupación	Explorador, naturalista
Empregador	Universidade Estatal de Moscova
Alumnos	Mikhail Menzbier (en)
Obra
Doutorando	Mikhail Menzbier (en)
Abreviatura do autor en zooloxía	Sévertsov
Familia
Fillos	Aleksey Severtsov
Pai	Aleksey Severtsov
Premios
	Medalla Constantin
Descrito pola fonte	Nordisk familjebok; Georgian Soviet Encyclopedia (en) , (vol:9, p.268); Obálky knih,
	Lista Lütke gold medal (en) ; Constantin Medal (en) ; ;

Nikolai Alekséievich Sévertsov (en ruso Николáй Алексе́евич Се́верцов), coñecido nas linguas latinas como Nikolai Severtzov, nado o 5 de novembro de 1827 e finado o 8 de febreiro de 1885, foi un explorador e naturalista ruso.

Traxectoria

Severtzov estudou na Facultade de Física e Matemáticas da Universidade de Moscova e, aos 18 anos, entrou en contacto co científico Grigori S. Karelin e interesouse pola Asia central.

En 1857 uniuse a unha expedición ao río Sir Daria (no actual Casaquistán).^[1] Nesta expedición foi capturado por uns bandidos e liberado un mes despois por militares rusos. Regresaría a esta rexión, a Tashkent, en 1864.

Contou a historia da súa aventura en Un mes de cativerio entre os kokandianos. Cun mapa do baixo Syr-Darya, publicado en San Petersburgo en 1860.^[2]

Entre 1865 e 1868 explorou as montañas de Tian Shan (gran sistema montañoso da Asia central, localizado na rexión fronteiriza entre os actuais Casaquistán, Kirguizistán e a República Popular da China), e o lago Issyk Kul.

En 1877-1878 visitou as montañas do Pamir, seguindo unha ruta próxima á actual estrada, chegando ao lago Yashil Kul e o río Ghunt. Alí estudou as liñas de migración das aves da Asia Central.

Severtzov publicou moitos libros sobre o reino animal, entre eles escribiu Distribución vertical e horizontal da vida salvaxe de Turquestán (1873), que incluía a primeira descrición de numerosas especies e subespecies, entre elas 384 de aves.

Unha subespecie de argalí (carneiro salvaxe) descrita por el, logo se denominou na súa honra Ovis ammon severtzovi. E unha especie de frinxílido, Carpodacus severtzovi, foi dedicada a el por Richard Bowdler Sharpe.

O 8 de febreiro de 1885 Severtzov morreu accidentalmente, afogado no río Don.^[1]

Abreviatura

A abreviatura Severtzov emprégase para recoñce a Nikolai Severtzov como autoridade na descrición e taxonomía en zooloxía.

Notas

↑ ^1,0 ^1,1 Anónimo (1885). "Obituario: Nikolai Alexsyewich Severtzoff". Ibis 3: 235–240. doi:10.1111/j.1474-919X.1885.tb06248.x.
↑ Lorraine de Meaux (2010): La Russie et la tentation de l'Orient, Fayard. ISBN 978-2-213-63812-6, pp. 46-47.

Véxase tamén

Ligazóns externas

Robert Middleton e Huw Thomas (2011): Tajikistan and the High Pamirs. Sheung Wan, Hong Kong: Odyssey Illustrated Guides. ISBN 978-9-6221-7818-2.
Ernst Mayr e William B. Provine (1998): The evolutionary synthesis. Perspectives on the unification of biology. Cambridge, Massachusetts, EUA: Harvard University Press ISBN 9780674272262
Sewerzow, en Zeno.org (en alemán).

[ibis-1] 1,0 ^1,1 Anónimo (1885). "Obituario: Nikolai Alexsyewich Severtzoff". Ibis 3: 235–240. doi:10.1111/j.1474-919X.1885.tb06248.x.

[2] Lorraine de Meaux (2010): La Russie et la tentation de l'Orient, Fayard. ISBN 978-2-213-63812-6, pp. 46-47.

[1]

[2]