Octavio García
| Biografía | |
|---|---|
| Nacemento | c. 1882  Vilachá Pedrosa, España |
| Morte | 29 de setembro de 1953 (70/71 anos) Vilachá Pedrosa, España |
 Presidente da Deputación de Lugo | |
| 1935 – 1936 ← José Cobreros de la Barrera – Celestino Noya → | |
 Alcalde de Becerreá | |
| | |
| Actividade | |
| Ocupación | avogado, político |
 | |
Octavio García Fernández, nado en Vilachá Pedrosa (Veiga, Becerreá) cara a 1882 e finado no mesmo lugar o 29 de setembro de 1953, foi un avogado e político galego.
Traxectoria
[editar | editar a fonte]Foi fiscal municipal de Becerrea en 1905,[1] e xuíz municipal de Becerreá en 1907.[2] Militante do Partido Liberal, foi elixido deputado provincial polo distrito da Fonsagrada-Becerreá en 1915.[3] Foi un dos asinantes do manifesto anticaciquil dirixido ao distrito de Becerreá en maio de 1930 con Mauro Fernández, Faustino Cela e José de Boado.[4]
Na República foi alcalde de Becerreá. Militou en Izquierda Republicana, da que foi directivo en Lugo. Foi nomeado xestor da Deputación provincial de Lugo polo distrito de Becerreá-Fonsagrada en decembro de 1935 e elixido presidente da Comisión xestora da Deputación o 30 de decembro.[5] Continuou no cargo até marzo de 1936.
Co golpe de Estado do 18 de xullo de 1936 foi detido o 1 de decembro e ingresou na cadea de Lugo. Estivo detido sen procesamento xudicial ata o 11 de marzo de 1938 e foi condenado ao desterro en Soria. Foi sancionado polo Tribunal de Responsabilidades Políticas ao pago dunha multa de 50.000 pesetas[6] e cinco anos de inhabilitación.[7]
Finou en Vilachá Pedrosa o 29 de setembro de 1953.[8]
Vida persoal
[editar | editar a fonte]Casou en Becerreá con Ana Fernández Poy en 1920,[9] e foi pai de Serafín e María García Fernández.
Notas
[editar | editar a fonte]- ↑ El Regional, 28-5-1905, p. 2.
- ↑ El Norte de Galicia, 21-10-1907, p. 2.
- ↑ Verdad y Justicia, 12-6-1915, p. 6.
- ↑ "Galicia en marcha", El Pueblo Gallego, 13-5-1930, p. 9.
- ↑ El Pueblo Gallego, 31-12-1935, p. 12.
- ↑ "1938-05-09". BOP Lugo. Consultado o 2024-11-25.
- ↑ BOE, 15-10-1940, p. 4809.
- ↑ Necrolóxica en El Progreso, 1-10-1953, p. 3.
- ↑ El Eco de Santiago, 5-11-1920, p. 2.
Véxase tamén
[editar | editar a fonte]Ligazóns externas
[editar | editar a fonte]- Construción e destrución da cidadanía societaria: Dinámica social e política da provincia de Lugo na Segunda República e nos primeiros anos do franquismo (1930-1950)[Ligazón morta]
- Ficha en represión franquista en Lugo
| Predecesor: ? |
Alcalde de Becerreá |
Sucesor: ? |
| Predecesor: José Cobreros de la Barrera |
Presidente da Deputación de Lugo 1935 - 1936 |
Sucesor: Celestino Noya Rodríguez |
