Olaya Pazo

Olaya Pazo
Biografía
Nacemento	7 de xuño de 1983 (41 anos); Caracas, Venezuela
Actividade
Ocupación	xogadora de voleibol praia
Deporte	Volei de praia
Participou en
2016	Voleibol de praia nos Jogos Olímpicos de Verão de 2016 (pt)
2015	Campeonato Mundial de Voleibol de Praia de 2015 (pt)

Olaya Pérez Pazo, nada en Caracas o 7 de xuño de 1983, é unha xogadora de voleibol e voleibol praia galego-venezolana. Competiu nos Xogos Olímpicos de 2016.

Traxectoria

Naceu en Caracas, sendo filla dunha parella de emigrantes galegos con orixe en Canaval, Sober.^[1] Seu pai Francisco fora futbolista en Galicia e xogou nas categorías inferiores do Celta de Vigo e no Arenteiro, ata que unha lesión o fixo abandonar o fútbol e emigrar a Venezuela.^[2]

Xunto á súa irmá xemelga Rebeca, estudou nos Estados Unidos, onde formou parte dos equipos de voleibol da Universidade de Texas en Arlington e da Universidade Rice. En 2006 instalouse en Monforte, onde xogou durante dúas tempadas co AD A Pinguela, e na tempada 2008/09 militou no Club Voleibol Albacete.^[3]

Posteriormente pasou a competir en voleibol praia e formou parella coa viguesa Alejandra Simón, coa que disputou a Liga Mundial e coa que se proclamou campioa de España en 2010.^[4] Representou a Venezuela nos Xogos Olímpicos de 2016, formando parella con Norisbeth Agudo, pero sen conseguir meterse na fase eliminatoria, despois de obter unha vitoria e dúas derrotas no seu grupo e de perder a repesca contra a parella alemá Büthe-Borger.^[5]

Notas

↑ "Las hermanas Pazo reforzarán A Pinguela la próxima campaña". La Voz de Galicia (en castelán) (Monforte ed.). 2 de xullo de 2006. p. L13.
↑ "Tándem gallego camino de Londres". La Voz de Galicia (en castelán). 16 de marzo de 2010. Consultado o 23 de setembro de 2021.
↑ "Traxectoria de Olaya Pazo". volleybox.net (en inglés). Consultado o 23 de setembro de 2021.
↑ Antelo, Iván (12 de xullo de 2010). "La pareja gallega Simón-Pazo, nueva campeona de España". La Voz de Galicia (en castelán). Consultado o 23 de setembro de 2021.
↑ "Voleibol praia nos Xogos Olímpicos de 2016". rio2016.com (en inglés). Arquivado dende o orixinal o 22 de setembro de 2016. Consultado o 23 de setembro de 2021.

[1] "Las hermanas Pazo reforzarán A Pinguela la próxima campaña". La Voz de Galicia (en castelán) (Monforte ed.). 2 de xullo de 2006. p. L13.

[2] "Tándem gallego camino de Londres". La Voz de Galicia (en castelán). 16 de marzo de 2010. Consultado o 23 de setembro de 2021.

[3] "Traxectoria de Olaya Pazo". volleybox.net (en inglés). Consultado o 23 de setembro de 2021.

[4] Antelo, Iván (12 de xullo de 2010). "La pareja gallega Simón-Pazo, nueva campeona de España". La Voz de Galicia (en castelán). Consultado o 23 de setembro de 2021.

[5] "Voleibol praia nos Xogos Olímpicos de 2016". rio2016.com (en inglés). Arquivado dende o orixinal o 22 de setembro de 2016. Consultado o 23 de setembro de 2021.

[1]

[2]

[3]

[4]

[5]