Orella

Orella
Instancia de	tipo de subdivisión de organismo e clase de entidade anatómica
Subclase de	subdivision of external ear (en)
Latín TA98	auricula
Parte de	ouvido externo (pt)
Descrito pola fonte
	Descrito pola fonte Gray's Anatomy (20th edition) (en) ; ;
Composto por
	Composto por auricular cartilage (en) ; ligaments of auricle (en) ; extrinsic auricular muscle (en) ; set of anterior auricular veins (en) ; ;
	[ Wikidata ]

Para outras páxinas con títulos homónimos véxase: Orella (homónimos).

A orella (do diminutivo latino de auris, auricula^[1]) ( pronunciación (axuda · info)) é a parte visible do órgano do sentido do oído, e está formada polo pavillón auricular ou pavillón auditivo externo que, canda o conduto auditivo externo, constitúe o chamado oído externo.

É unha estrutura cartilaxinosa (composta por cartilaxe e pel) que ten como función captar as vibracións sonoras e dirixilas cara ao interior do oído.

Moitos animais son capaces de mover a vontade o pavillón auricular cara a dirección da que procede o son (por exemplo, os cans). En cambio, a orella humana é moito menos direccional, pois non posuímos este control voluntario sobre a súa orientación.

Na especie humana, é unha lámina pregada sobre ela mesma en diverso sentidos, oval, cunha grosa extremidade superior, e tendo no seu conxunto aparencia dunha corneta acústica.

O pavillón ten un esqueleto de cartilaxe elástica que lle permite volver á súa posición normal despois dunha deformación. Cuberto de pel, non existe tecido celular subcutáneo. A parte inferior é o lobo (ou lóbulo) da orella, na que a parte central é adiposa, pouco innervada e ricamente vascularizada.