Paixón de gabiáns

Paixón de gabiáns
Formato	Drama, romance, comedia
Creado por	Julio Jiménez
Desenvolvido por	Telemundo Studios RTI Colombia
Dirixido por	Rodrigo Triana Sergio Osorio Camilo Vega
Intérpretes	Danna García Mario Cimarro Paola Rey Jorge Cao Alfonso Baptista Michel Brown Gloria Gómez Kristina Lilley Natasha Klauss Ana Lucía Domínguez Zharick León Juan Sebastián Aragón Juan Pablo Shuk
Tema de apertura	"Fiera Inquieta" (por Ángela María Forero)
País de orixe	Colombia
Lingua(s)	Castelán
Temporadas	2
Episodios	259
Produción
Produtor(es) executivo(s)	Hugo León Ferrer Marcos Santana Karen Barroeta Harold Sánchez Clara María Ochoa Ana Piñeres
Localización(s)	Boyacá
Duración	42-45 minutos
Emisión orixinal
Canle de orixe	Telemundo Caracol Televisión
Primeiro episodio	21 de outubro de 2003
Derradeiro episodio	31 de maio de 2022
Na rede
[ editar datos en Wikidata ]

Paixón de gabiáns (en castelán: Pasión de gavilanes), é unha telenovela colombiana escrita por Julio Jiménez. É unha produción de RTI Colombia xunto coas canles de televisión Telemundo e Caracol TV. Baséase na telenovela de 1994 Las aguas mansas, tamén escrita por Jiménez e producida por RTI. Emitiuse orixinalmente en Telemundo o 21 de outubro de 2003, mentres que en Colombia se emitiu en Caracol TV. O 12 de maio de 2022 Telemundo anunciou unha segunda tempada ambientada 20 anos despois dos eventos da serie orixinal.

En Galiza a súa emisión non foi ata o 11 de abril de 2005, aínda que houbo de reemitirse a partir do 18 de xullo na mesma canle: TVG. Conta cun total de 188 episodios de 45 minutos aproximadamente. A telenovela combina o drama, a comedia e mailo romance. Ten como protagonistas a Danna García e mais a Mario Cimarro, e de antagonista a Lorena Meritano, entre outros. A novela acadou un grande éxito tanto no seu país de orixe, como en Galiza onde chegou a superar un 30% de share de audiencia.

Trama

Despois de atravesa-la fronteira e abandona-lo seu país, os irmáns Reyes Guerrero: Juan, Óscar, Franco e Libia, instálanse nunha pequena e axitada cidade, onde abren unha panadaría, que axudaos a se sosteren. Libia, a máis nova, namórase de Bernardo Elizondo, un home maior, que á súa vez tolea por ela. Os dous viven un secreto e tórrido romance que é descuberto polos irmáns Reyes.

Indignados, tentan separalos, porén a situación complícase cando Libia confesa estar embarazada, o que fai rematen a acepta-la unión de Libia e mais Bernardo, noentento, este oculta estar casado.

Bernardo está disposto renunciar á súa familia composta por Gabriela Acevedo, a súa esposa, e tres fillas: Norma, Jimena e mais Sariña, os cales viven nunha facenda ós arredores da cidade, para se dedicar ren máis que a Libia, cando a morte sorprendeo nun inesperado accidente.

Ó se decatar do falecemento de Bernardo e descubrir que é casado, Libia remata coa súa vida, tirándose dunha ponte. Os irmáns Reyes sepúltana e xuran vinga-la súa morte co propósito de destruír aquela familia. As circunstancias lévanos a ser confundido cuns traballadores que deben construír unha cabana na facenda.

O profundo odio comeza a se disipar cando os Reyes coñecen ás fillas dos Elizondo, e aquela facenda convértese nun campo de batalla, onde se enfrontan o amor e os feroces sentimentos de vinganza e carraxe.