Paraconger

Paraconger é un xénero de peixes da orde dos angüiliformes pertencente á familia dos cóngridos, subfamilia dos batimirinos.

Características

As principais cartacterísticas das especies do xénero son:

• Corpo robusto, alongado, cilíndrico e sen escamas.
• Fociño arredondado.
• Ollos grandes.
• Presenta, en ambos os dous maxilares, unha fileira externa de dentes incisiformes e moi xuntos que forman un fío cortante. Tamén posúe outros dentes cónicos e pequenos.
• Nariz frontal tubular, preto da punta do fociño.
• Aletas pectorais moi ben desenvolvidas.
• As aletas dorsal e anal conflúen coa aleta caudal.
• Non presentan aletas pelvianas.
• Cola máis longa que a cabeza e o resto do corpo.

Distribución xeográfica

As especies deste xénero encóntranse en todos os océanos e mares de clima tropical e temperado cálido do mundo.

Especies

Segundo o WoRMS e máis o SIIT, o xénero comprende as seguintes sete especies:

• Paraconger californiensis Kanazawa, 1961
• Paraconger caudilimbatus (Poey, 1867)
• Paraconger guianensis Kanazawa, 1961
• Paraconger macrops (Günther, 1870)
• Paraconger notialis Kanazawa, 1961 − Congro da Guinea
• Paraconger ophichthys (Garman, 1899)
• Paraconger similis (Wade, 1946)

Véxase tamén

Bibliografía

• Lahuerta Mouriño, F. e Vázquez Álvarez, F. X. (2000): Vocabulario multilingüe de organismos acuáticos. Santiago de Compostela: Xunta de Galicia. ISBN 84-453-2913-8.
• Nelson, Joseph S. (2006): Fishes of the World. John Wiley & Sons, Inc. ISBN 0-471-25031-7.

Outros artigos

• Cóngridos
• Batimirinos

Ligazóns externas

• Froese, Rainer & Daniel Pauly, eds. (2011): Especies de Paraconger en FishBase.