Paséridos

Non confundir coa infraorde dos Paséridos (Passerida).

Os paséridos (Passeridae) son unha familia de aves paseriformes denominados comunmente pardais, pardaos ou gorrións e tamén ás veces pardais do Vello Mundo, para diferencialos dos pardais do Novo Mundo, que conforman a familia dos emberícidos.

A familia componse de 48 especies repartidas en 11 xéneros, das que a máis coñecida é o pardal común, Passer domesticus, que está adapatada ao hábitat urbano e vive en todos os continentes, a excepción da Antártida, porque foi introducida polo ser humano na maior parte deles.

Moitas especies aniñan en edificios e, en particular o pardal común e o orelleiro (Passer montanus) habitan nas cidades en grandes cantidades, de maneira que os pardais pode que sexan as máis coñecidas de todas as aves silvestres.

Características

En xeral, os pardais son pequenos paxaros de cor parda agrisada, con cola curta e bico repoludo. As diferenzas entre as distintas especies poden ser moi pequenas, apenas imperceptíbeis para os profanos.

Son principalmente granívoros, aínda que tamén consomen insectos pequenos. Unhas poucas especies aliméntanse nas cidades ou nos seus arredores, como fan tamén as gaivotas e as pombas, e son capaces de comeren practicamente calquera cuosa que estea dividida en anaquiños.

O tamaño dos membros desta ampla familia vai desde o do pardal de Emin (Passer eminibey), de 11,4 cm de lonxitude e 13,4 g de peso, até o do pardal de bico de papagaio (Passer gongonensis), de 18 cm e 42 g.

Os pardais son fisicamente similares a outras aves que comen sementes, como as escribentas, pero teñen unha pluma primaria dorsal vestixial e un óso extra na lingua.

Taxonomía

Tradicionalmente os pardais clasificábanse na familia dos ploceidos (Ploceidae), da que constituían unha subfamilia, a dos ploceínos (Ploceini), que comprendía os xéneros Passer, Petronia, Carpospiza, Hypocryptadius e Montifringilla.

Pero segundo a clasificación de referencia (versión 2/3/2009) do Congreso ornitolóxico internacional, considérase como unha familia á parte (que fora xa bautizadda con este nome por Johann Karl Wilhelm Illiger en 1811), comprendendo os seguintes xéneros:

Xéneros

• Plocepasser (4 especies)
• Histurgops (1 especie)
• Pseudonigrita (2 especis)
• Philetairus (1 especie)
• Passer (26 especies)
• Carpospiza (1 especie)
• Petronia (1 especie)
• Gymnoris (4 especies)
• Montifringilla (3 especies)
• Onychostruthus (1 especie)
• Pyrgilauda (4 especies)

Especies

Segundo a citada clasificación de referencia (versión 2/3/2009) do Congreso ornitolóxico internacional, as especies de paséridos (por orde filoxenética) son:

• Xénero Plocepasser A. Smith, 1836
  • Plocepasser mahali
  • Plocepasser superciliosus
  • Plocepasser donaldsoni
  • Plocepasser rufoscapulatus
• Xénero Histurgops Reichenow, 1887
  • Histurgops ruficauda
• Xénero Pseudonigrita Reichenow, 1903
  • Pseudonigrita arnaudi
  • Pseudonigrita cabanisi
• Xénero Philetarius A. Smith, 1837
  • Philetairus socius
• Xénero Passer Brisson, 1760
  • Passer ammodendri
  • Passer domesticus
  • Passer hispaniolensis
  • Passer pyrrhonotus
  • Passer castanopterus
  • Passer rutilans
  • Passer flaveolus
  • Passer moabiticus
  • Passer iagoensis
  • Passer motitensis
  • Passer insularis
  • Passer hemileucus
  • Passer rufocinctus
  • Passer shelleyi
  • Passer cordofanicus
  • Passer melanurus
  • Passer griseus
  • Passer swainsonii
  • Passer gongonensis
  • Passer suahelicus
  • Passer diffusus
  • Passer simplex
  • Passer montanus
  • Passer luteus
  • Passer euchlorus
  • Passer eminibey
• Xénero Carpospiza J. W. von Muller, 1854
  • Carpospiza brachydactyla
• Xénero Petronia Kaup, 1829
  • Petronia petronia
• Xénero Gymnoris Blyth 1844
  • Gymnoris superciliaris
  • Gymnoris dentata
  • Gymnoris pyrgita
  • Gymnoris xanthocollis
• Xénero Montifringilla C. L. Brehm, 1828
  • Montifringilla nivalis
  • Montifringilla henrici
  • Montifringilla adamsi
• Xénero Onychostruthus Richmond, 1917
  • Onychostruthus taczanowskii
• Xénero Pyrgilauda Bonaparte, 1850
  • Pyrgilauda davidiana
  • Pyrgilauda ruficollis
  • Pyrgilauda blanfordi
  • Pyrgilauda theresae

En Galicia

En Galicia son moi comúns, e sedentarios, ademais do pardal propiamente dito, o Passer domesticus, que se distribúe por todo o país até os 1 100 m de altitude, o pardal orelleiro (Passer montanus), tamén sedentario, que habita en campos de cultivo, preto de habitacións humanas, aínda que é máis campestre que a especie anterior. Ademais, hai citas do pardal das rochas (Petronia petronia), que aniña en buratos de rochas e de edificios vellos, e que pode verse sobre todo nas zonas periféricas da nosa terra, especialmente na costa, e o pardal alpino (Montifringilla nivalis), moi raro en Galicia, e que se alimenta de sementes de herbas e tamén de bo número de insectos.

Véxase tamén

Bibliografía

• Bledsoe, A. H. e Payne, R. B. (1991): Encyclopaedia of Animals: Birds. (Forshaw, J. ed.). Londres: Merehurst Press. ISBN 1-85391-186-0.
• Clement, Peter; Harris, Alan e Davis, John (1993): Finches and Sparrows: an Identification Guide. Princeton, New Jersey (USA): Princeton University Press. ISBN 0-691-03424-9.
• Christidis, L. e Boles, W. E. (2008): Systematics and Taxonomy of Australian Birds. Canberra: CSIRO Publishing. ISBN 978-0-643-06511-6.
• Summers-Smith, J. Denis (2009): Family Passeridae (Old World Sparrows). En: del Hoyo, Josep; Elliott, Andrew e Christie, David. Handbook of the Birds of the World. Volume 14: Bush-shrikes to Old World Sparrows. Bellaterra (Barcelona): Lynx Edicions. ISBN 978-84-96553-50-7.

Outros artigos

• Paseriformes

Ligazóns externas

• Passeridae Arquivado 14 de marzo de 2016 en Wayback Machine. en Internet Bird Collection. (en inglés) Consultada o 26/09/2012.
• Passeridae en Animal Diversity Web. (en inglés) Consultada o 26/09/2012.
• Passeridae Arquivado 15 de xullo de 2014 en Wayback Machine. en Fauna Europaea (en inglés). Consultada o 26/09/2012.