Pasai Donibane Koxtape Arraun Elkartea
O Pasai Donibane Koxtape Arraun Elkartea é un club de remo do barrio de Pasai Donibane da localidade de Pasaia, Gipúscoa (Euskadi). A súa cor é o rosa e a súa traiñeira chámase Erreka
Historia
[editar | editar a fonte]O club constituíuse o día 12 de novembro de 1965, coa denominación de Club Atlético Koxtape, sendo a súa finalidade a práctica do atletismo, de aí o adxectivo aplicado ao mesmo. O seu nome era en lembranza e homenaxe a Dona Pilar Sansinenea.
As dificultades nas que se atopaba a mocidade practicante, tanto de ausencia de instalacións como de medios materiais e económicos, animaron aos integrantes do club a mudar de deporte, decatándose no comezo polo remo na especialidade de banco móbil no ano 1967. O remo era o deporte rei en San Xoán, mais a especialidade de banco móbil era unha faceta do remo que non se practicara na vila, e foi o club o que o puxo en marcha. Ao ter unhas instalacións para poder practicar, a baía pasaitarra, fixo que esta especialidade do remo se expandira e ademais que o club posteriormente comezara tamén a practicar o remo de banco fixo, en tódalas súas modalidades.
Foi un dos equipos fundadores da Liga ACT en 2003, e contribúe xunto co Sanpedrotarra e o Illunbe a que Pasaia sexa a única localidade do Cantábrico que se viu representada por tres equipos distintos na máxima competición do remo. Na tempada 2006 finalizou na última praza da Liga, e perdeu a categoría no play off de ascenso á Liga San Miguel, polo que competiu na Liga ARC ata o seu retorno á máxima categoría no 2010, regresando pola porta grande ao finalizar a Liga na terceira posición da táboa.
Palmarés
[editar | editar a fonte]- 1 Campionato de España de Traiñeiras: 1991.
- 10 Bandeiras da Concha: 1924, 1956, 1961, 1962, 1963, 1986, 1988, 1990, 1995 e 1999.
- 1 Bandeira Príncipe de Asturias: 1984.
- 3 Campionatos de Euskadi de Traiñeiras: 1985, 1990 e 2000.
- 4 Campionatos de Gipúscoa de Traiñeiras: 1978, 1991, 2000 e 2003.
- 2 Grandes Premios do Nervión: 1985 e 1988.
- 1 Bandeira Piloto de Biarriz: 1986.
Véxase tamén
[editar | editar a fonte]Ligazóns externas
[editar | editar a fonte]- Ficha do Koxtape no sitio oficial da Liga San Miguel Arquivado 24 de marzo de 2010 en Wayback Machine.