Paulino Lago Chouza
| Biografía | |
|---|---|
| Nacemento | 1941  Porto do Son, España |
| Morte | 1999 (57/58 anos) Muros, España |
 Alcalde de Muros | |
| 1979 – 1983 ← Manuel Fernández Lamela – Xosé Lago Hermida → | |
| Actividade | |
| Ocupación | político, mestre |
| Premios | |
| |
Paulino Lago Chouza, nado en Porto do Son en 1941 e finado en Muros na primavera de 1999, foi un mestre e político galego.
Traxectoria
[editar | editar a fonte]Mestre de EXB en Esteiro,[1] tiña fortes lazos familiares co concello de Muros. Nas eleccións municipais de 1979 foi elixido concelleiro de Muros pola UCD, e accedeu á alcaldía trala dimisión do alcalde Manuel Fernández Lamela a finais do mes de maio dese ano, xunto co resto de compañeiros de lista da UCD, agás el, debido a discrepancias co partido.[2] Desta forma asumiu a alcaldía no mes de setembro. Nas municipais de 1983 encabezou a lista do PGI, pero foi derrotado polo PSdeG-PSOE que obtivo 4 concelleiros fronte a 3 del, polo que perdeu a alcaldía en favor de Xosé Lago Hermida. En novembro dese mesmo ano repetíronse as eleccións tras ser anuladas, logrando os socialistas unha vantaxe aínda maior con 7 concelleiros fronte a 2.
Faleceu na primavera de 1999. O 30 de outubro de 2008 el e mais Fernández Lamela foron proclamados fillos predilectos do concello de Muros de forma póstuma.
| Predecesor: Manuel Fernández Lamela |
Alcalde de Muros 1979 - 1983 |
Sucesor: Xosé Lago Hermida |