Pazo de Liñares
| Pazo de Liñares | |
|---|---|
 | |
| Concello | Lalín |
| Provincia | Pontevedra |
| Comunidade | Galicia |
| Coordenadas | 42°40′49″N 8°11′30″O / 42.68027778, -8.19166667 |
| Estilo arquitectónico | |
| Estilo orixinal | (século XVII) |
| Estilo actual | (século XVII) |
| Estado actual | en bo estado |
| Véxase tamén | |
| Pazos de Galicia | |
| [ editar datos en Wikidata ] | |
O Pazo de Liñares é unha casa señorial localizada no lugar de Liñares, na parroquia de Prado (Lalín).
Historia
[editar | editar a fonte]Aínda que a construción orixinaria do edificio é do século XVI, a súa fundación foi a finais do século XVII por Álvaro Núñez Taboada, da Casa de Bendoiro. A familia Taboada foi propietaria do pazo durante catro séculos, ata a primeira metade do século XX, no que o perderon tras unha partida de cartas. No pazo, naceu no 23 de setembro do 1895 o pioneiro da aviación Joaquín Loriga, pasando ademais a súa infancia neste edificio.
Foi adquirido polo concello de Lalín a finais do ano 2002. No ano 2009 foi declarado Ben de Interese Cultural coa categoría de Monumento por Decreto 334/2009 de 4 de xuño da Consellería de Cultura e Turismo da Xunta de Galicia. As obras de rehabilitación comezaron o día 14 de abril de 2011, e asinouse a recepción das mesmas o 28 de febreiro de 2013.
Estilo
[editar | editar a fonte]O pazo é de estilo barroco. É de planta rectangular de cantería cunha gran fachada principal á que abre os balcóns e fiestras. Distribuído en tres plantas, supera os 800 metros cadrados construídos. Na fachada posterior destaca unha galería de cinco arcos de medio punto e escudos no peitoril. Ademais conta cun anexo en forma de 'L' no seu sector suroeste, cunha capela e cun pombal. Nos escudos do pazo campean as armas dos Mosqueira, Churruchaos e López de Lemos xunto ás dos Taboada. No interior salienta a lareira, pola súa gran dimensión e por estar coroada por unha singular cheminea.
Galería de imaxes
[editar | editar a fonte]-
Entrada ao pazo. -
Patio e fonte. -
Fachada Exterior
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- Pazo de Liñares na páxina web colaborativa Patrimonio Galego.