Pedro Costa Musté
- Non confundir con Pedro Costa (Lisboa, 1959- ), director de cine portugués.
| Biografía | |
|---|---|
| Nacemento | 19 de agosto de 1941  Barcelona, España |
| Morte | 8 de xuño de 2016 (74 anos) Torrelodones, España |
| Actividade | |
| Ocupación | director de cinema, guionista |
| Obra | |
Obras destacables
| |
  | |
Pedro Costa Musté, nado en Barcelona o 19 de agosto de 1941 e finado en Torrelodones o 8 de xuño de 2016, foi un guionista, produtor e director de cine e televisión catalán. Dirixiu, produciu e escribiu guións de varias curtametraxes, longametraxes e series de televisión, destacando como cronista de sucesos.
Traxectoria
[editar | editar a fonte]En 1958 iniciou a carreira de Ciencias Económicas e dirixiu o Teatro Español Universitario da súa facultade. En 1962 matriculouse en Dirección na Escola Oficial de Cinematografía, diplomatura que rematou en 1968. No outono de 1967 lanzou un Manifesto en que propuña "a creación dun cine libre e independente de calquera grupo político ou burocrático" nunhas xornadas en Sitges impulsadas por el mesmo.
A censura impediulle sacar adiante as súas dúas primeiras películas, Romance de Lucio (1966) e El príncipe y la huerfanita (1968), polo que decidiu ao xornalismo. Comezou como cronista de sucesos no semanario El Caso. En decembro de 1970 escribiu unha crónica sobre o Proceso de Burgos que tivo gran repercusión, e pasou a ser periodista de investigación na revista Cambio 16. En 1974 lanzou a revista Posible, de información política, canda a Cuco Cerecedo, Miguel Ángel Aguilar e Alfonso Palomares. Ao tempo, creou API, un boletín clandestino independente.
En 1977 Antonio Asensio Pizarro contratouno para lanzar Interviú, e en 1980 marchou aos Estados Unidos como correspondente do Grupo Zeta. Regresou a España en 1982 e coa chegada do PSOE ao goberno retomou o cine.
Cine
[editar | editar a fonte]Director
[editar | editar a fonte]- El caso Almería (1983). Premio á mellor ópera prima no Festival de Taormina.
- Redondela (1986; sobre o caso Reace)
- Una casa en las afueras (1995)
- El crimen del cine Oriente (1996)
- Mi hijo Arturo (2001)
- Acosada (2003)
- Los que quisieron matar a Franco (2006)
- Historia de una foto (2009)
Guionista
[editar | editar a fonte]Además de escribir os guións das súas películas, colaborou nos dos seguintes filmes, que tamén produciu:
- Amantes (Vicente Aranda, 1991). Premio Goya á mellor película en 1991.
- La buena estrella (Ricardo Franco, 1997). Premio Goya á mellor película en 1997.
- Intruso (Vicente Aranda, 1992)
- Pídele cuentas al Rey (José Antonio Quirós, 1999)
- Las 13 rosas (Emilio Martínez Lázaro, 2008)
Produtor
[editar | editar a fonte]En 1983 creou Pedro Costa Producciones Cinematográficas.
- Juana la Loca (Vicente Aranda, 2001)
- El vientre de Juliette (Martin Provost, 2001)
- La vida de nadie (Eduard Cortés, 2002)
- Platillos volantes (Óscar Aibar, 2003)
- Otros días vendrán (Eduard Cortés, 2004)
- Pasos (Federico Luppi, 2005)
Televisión
[editar | editar a fonte]Escribiu, produciu e dirixiu series de televisión, películas para televisión e documentais entre outros. O seu labor na televisión foi recoñecido con varios premios.
- La huella del crimen (serie). Premio á mellor serie do ano.
- ¡Que vienen los Beatles! (documental)
- Robles, investigador (serie)
- Lazos de sangre (serie). Mellor Telefilme do ano concedido pola Academia de Televisión.
- Mis estimadas víctimas (documental)
- El caso Wanninkhof (telemovie)
- Plutón B.R.B. Nero (serie de Álex de la Iglesia)
Premios
[editar | editar a fonte]Mellor Produtor do Cine Español concedido por EGEDA (1998)
