Pibe
| Pibe | |||
|---|---|---|---|
 | |||
| Información persoal | |||
| Nome | Agustín Emanuel Pastoriza Cacabelos | ||
| Nacemento | 31 de xaneiro de 1996 | ||
| Lugar de nacemento | Adrogué | ||
| Altura | 1,77 m. | ||
| Posición | Extremo esquerdo | ||
| Información de club | |||
| Club actual | Cultural Leonesa | ||
| Carreira xuvenil | |||
| Juventud Cambados | |||
| Arousa | |||
| A Seca | |||
| 2011–2013 | Pontevedra | ||
| 2013–2014 | Betis | ||
| Carreira sénior | |||
| Anos | Equipos | Aprs | (Gls) |
| 2013 | Pontevedra | 1 | (0) |
| 2013 | Pontevedra B | 7 | (1) |
| 2014 | Betis | 1 | (0) |
| 2015–2016 | Betis B | 17 | (0) |
| 2016 | Oviedo B | 19 | (1) |
| 2016–2018 | Coruxo | 35 | (1) |
| 2018–2019 | Pontevedra | 25 | (1) |
| 2019–2020 | Ourense CF | 27 | (10) |
| 2020–2021 | Burgos Promesas | 9 | (4) |
| 2021–2022 | FC Inter Turku | 5 | (1) |
| 2022–2024 | Arenteiro | 83 | (13) |
| 2024– | Cultural Leonesa | 0 | (0) |
| Selección nacional | |||
| 2014 | Arxentina sub-20 | 2 | (0) |
|
Partidos e goles só en liga doméstica. Club: actualizado a 23 de xuño de 2024. [ editar datos en Wikidata ] | |||
Agustín Emanuel Pastoriza Cacabelos, máis coñecido como Pibe, nado en Adrogué, Buenos Aires, o 31 de xaneiro de 1996, é un futbolista galego-arxentino, que xoga de extremo esquerdo na Cultural Leonesa, da Primeira División RFEF.
Traxectoria
[editar | editar a fonte]Naceu na localidade de Adrogué, na provincia de Buenos Aires, sendo fillo de Alejandra Cacabelos, unha emigrante galega da parroquia cambadesa de Corvillón, e de Daniel Pastoriza, un exfutbolista arxentino.[1] O seu avó fora tamén futbolista, e xogara no Racing de Avellaneda. Con cinco anos trasladouse coa súa familia a Cambados, onde comezou a xogar ao fútbol pasando por varios equipos como o Juventud Cambados o Arousa ou A Seca.[2] Máis tarde entrou na canteira do Pontevedra CF e xogou co seu equipo xuvenil na División de Honra. O 17 de marzo de 2013 debutou co primeiro equipo da man do adestrador Milo Abelleira, nun partido da Terceira División contra o Barbadás en Pasarón (1-1).[3] Disputou o resto da tempada co Pontevedra B en Preferente e no verán fichou polo Betis.[4]
Integrado inicialmente no cadro xuvenil da Liga Nacional, asentouse logo no de División de Honra e o 18 de maio de 2014 debutou co primeiro equipo na Primeira División. O adestrador Gabriel Calderón deulle entrada na segunda parte dun partido contra o Osasuna, como substituto de Matilla.[5] Xogou unha tempada máis no xuvenil, compaxinándoo con algúns partidos co Betis B en Segunda B, e na tempada 2015/16 pasou a ser xogador con ficha do filial. Con todo, apenas dispuxo de minutos e en xaneiro de 2016 fichou por outro equipo filial, o Real Oviedo Vetusta, da Terceira División, onde xogou ata o remate da tempada.[6]
O 11 de agosto de 2016 fichou polo Coruxo, da Segunda División B. Militou no equipo vigués durante unha campaña e media, disputando 35 partidos e marcando un gol. En xaneiro de 2018 regresou ao Pontevedra, adestrado por Luismi.[7] No equipo do Lérez tampouco atopou regularidade, disputando só seis partidos como titular nun ano e medio, e en 2019 fichou polo Ourense CF, da Terceira División. No equipo do Couto fíxose coa titularidade na dianteira xunto a Adri Castro e marcou 10 goles.
No verán de 2020 deixou Galicia para fichar polo Burgos Promesas, filial do Burgos CF en Terceira.[8] Foi un dos xogadores máis destacados na primeira parte da tempada, pero os problemas económicos do club, que deixou de pagar os salarios aos futbolistas, fixeron que deixase o equipo en xaneiro.[9] Marchou entón a Finlandia, para fichar polo FC Inter Turku da Veikkausliiga, adestrado polo vigués José Riveiro.[10][11]
Militou durante menos de cinco meses no club finés, regresando a Galicia no mercado invernal, para incorporarse á disciplina do Arenteiro, da Segunda División RFEF.[12] Titular indiscutible no equipo dirixido por Fran Justo primeiro e Javi Rey despois, disputou todos os partidos dunha histórica campaña que culminou co título da Copa Federación e co ascenso á Primeira División RFEF.[13] Continuou como un fixo na seguinte campaña, na que o club verde acadou unha meritoria oitava praza. En xuño de 2024 puxo fin á súa etapa no Carballiño, despois de 91 partidos e 14 goles,[14] e asinou pola Cultural Leonesa, da mesma categoría.
Selección nacional
[editar | editar a fonte]En 2014 debutou coa selección sub-20 da Arxentina, coa que disputou dous partidos amigables, contra Mauritania e Ecuador.[15]
Palmarés
[editar | editar a fonte]- Arenteiro
- Segunda División RFEF (1): 2022/23.
- Copa RFEF (1): 2022.
Notas
[editar | editar a fonte]- ↑ "El cambadés Pibe, en la convocatoria del Betis para jugar hoy con el Osasuna" (en castelán). 18 de maio de 2014. Consultado o 24 de setembro de 2021.
- ↑ Penedo, Pablo (22 de maio de 2014). "«Al tocar el balón me olvidé de que jugaba ante 20.000 personas»". La Voz de Galicia (en castelán). Consultado o 25 de setembro de 2021.
- ↑ "El extremo Pibe regresa a la casa granate". Diario de Pontevedra (en castelán). 26 de xaneiro de 2018. Consultado o 25 de setembro de 2021.
- ↑ "O cambadés Agustín Pastoriza "Pibe" ficha no Betis". 18 de xullo de 2013. Consultado o 25 de setembro de 2021.
- ↑ Morán, Miguel A. (21 de maio de 2014). "Pibe: "Mi debut fue algo increíble, un momento muy emocionante"". Marca (en castelán). Consultado o 25 de setembro de 2021.
- ↑ "Pibe troca o filial do Betis polo do Oviedo". La Voz de Galicia (en castelán). 7 de xaneiro de 2016. Consultado o 25 de setembro de 2021.
- ↑ "El Pontevedra refuerza la zona ofensiva con la llegada de Pibe". La Voz de Galicia (en castelán). 25 de xaneiro de 2018. Consultado o 25 de setembro de 2021.
- ↑ Díaz, José Luis (11 de setembro de 2020). "Pibe se lleva la magia hasta Burgos". Faro de Vigo (en castelán). Consultado o 25 de setembro de 2021.
- ↑ "La plantilla y el cuerpo técnico del Promesas denuncian los impagos" (en castelán). 11 de xaneiro de 2021. Consultado o 25 de setembro de 2021.
- ↑ "FC Inter hankki argentiinalaishyökkääjän – ”Nopea liikkeissään kentällä”" (en finés). 20 de xaneiro de 2021. Consultado o 25 de setembro de 2021.
- ↑ Hermida, T. (23 de xaneiro de 2021). "El cambadés Agustín Pastoriza “Pibe” ficha por el subcampeón de Finlandia". Faro de Vigo (en castelán). Consultado o 25 de setembro de 2021.
- ↑ "El CD Arenteiro incorpora defensa y delantero: oficializa a Pol Bueso y Pibe". Faro de Vigo (en castelán). 12 de xaneiro de 2022. Consultado o 6 de febreiro de 2022.
- ↑ Otero, Manu (17 de abril de 2023). "Cinco ex granates obran co Arenteiro un histórico ascenso a Primera Federación". Pontevedra Viva. Consultado o 23 de xuño de 2024.
- ↑ "Pibe non continúa no Arenteiro". 17 de xuño de 2024. Consultado o 23 de xuño de 2024.
- ↑ Penedo, Pablo (15 de agosto de 2014). "Pibe experimentó el «orgullo» de debutar con el escudo de Argentina". La Voz de Galicia (en castelán). Consultado o 25 de setembro de 2021.
Véxase tamén
[editar | editar a fonte]Ligazóns externas
[editar | editar a fonte]- Datos do xogador en BDFutbol (en castelán).
- Datos do xogador en LaPreferente.com (en castelán).
- Datos do xogador na Beticopedia.com (en castelán).
- Datos do xogador en Soccerway (en castelán).
- Nados en 1996
- Nados na provincia de Buenos Aires
- Arxentinos de ascendencia galega
- Futbolistas da Arxentina
- Futbolistas da provincia de Pontevedra
- Xogadores do Pontevedra CF
- Xogadores do Pontevedra CF B
- Xogadores do Real Betis Balompié
- Xogadores do Real Betis Balompié B
- Xogadores do Real Oviedo B
- Xogadores do Coruxo FC
- Xogadores do Ourense CF
- Xogadores do FC Inter Turku
- Xogadores do CD Arenteiro
- Xogadores da Cultural Leonesa